അബുദാബി ഷെയ്ഖ് സായിദ് വലിയ പള്ളിയിൽ ഈദ് പ്രാർത്ഥന നിർവ്വഹിച്ച് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ. പ്രാർത്ഥനയ്ക്ക് ശേഷം പ്രസിഡന്റ് എല്ലാവർക്കും പെരുന്നാൾ ആശംസകൾ കൈമാറി. പിന്നീട് അന്തരിച്ച ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ ശവകുടീരം സന്ദർശിക്കുകയും അൽ ഫാത്തിഹ പാരായണം ചെയ്യുകയും പ്രാർത്ഥിക്കുകയും ചെയ്തു.
വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോർട്ട് കാര്യമന്ത്രിയുമായ ഷെയ്ഖ് മൻസൂർ ബിൻ സായിദ് അൽ നഹ്യാൻ, അബുദാബി കിരീടാവകാശി ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ, ഷെയ്ഖ് സുറൂർ ബിൻ മുഹമ്മദ് അൽ നഹ്യാൻ, ഷെയ്ഖ് നഹ്യാൻ ബിൻ സായിദ് അൽ നഹ്യാൻ, ഉപപ്രധാനമന്ത്രിയും ആഭ്യന്തര മന്ത്രിയുമായ ലഫ്. ജനറൽ ഷെയ്ഖ് സെയ്ഫ് ബിൻ സായിദ് അൽ നഹ്യാൻ, ഷെയ്ഖ് ഹമദ് ബിൻ സായിദ് അൽ നഹ്യാൻ, വിദേശകാര്യ മന്ത്രി ഷെയ്ഖ് അബ്ദുല്ല ബിൻ സായിദ് അൽ നഹ്യാൻ തുടങ്ങിയ ഒട്ടേറെ ഭരണാധികാരികളും ഷെയ്ഖുമാരും ഉന്നത ഉദ്യോഗസ്ഥരും ബലിപെരുന്നാൾ പ്രാർത്ഥന നിർവ്വഹിച്ചു.
