പ്രതിഫലത്തിന്റെ കാര്യത്തിൽ ബോളിവുഡ് താരങ്ങളെ മറികടന്ന് ഇളയ ദളപതി. ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരമായി മാറി വിജയ്. തമിഴ് സിനിമാമേഖലയിൽ ഏറ്റവും അധികം പ്രതിഫലം വാങ്ങുന്ന നടനും വിജയ് തന്നെയാണ്. സംവിധായകൻ വെങ്കട്ട് പ്രഭുവുമായി ഒന്നിക്കുന്ന വിജയിയുടെ 68-ാമത് ചിത്രത്തിന് വേണ്ടി 200 കോടി രൂപയാണ് പ്രതിഫലമായി കൈപ്പറ്റുന്നത് എന്നാണ് ഇപ്പോൾ പുറത്തുവരുന്ന റിപ്പോർട്ട്.
ഹിന്ദി സിനിമാ താരങ്ങളായ ഷാരൂഖ് ഖാനെയും സൽമാൻ ഖാനെയും മറികടന്നാണ് വിജയ് പ്രതിഫലത്തിന്റെ കാര്യത്തിൽ റെക്കാർഡ് നേടിയത്. ഇന്ത്യൻ സിനിമയിൽ ഇതുവരെ ഒരു താരവും ഇത്ര അധികം തുക പ്രതിഫലമായി വാങ്ങിയിട്ടില്ലെന്നാണ് റിപ്പോർട്ടുകൾ വ്യക്തമാക്കുന്നത്.
നിലവിൽ ലോകേഷ് കനകരാജിന്റെ ‘ലിയോ’ എന്ന ചിത്രത്തിന്റെ ഷൂട്ടിംഗ് തിരക്കിലാണ് താരം. ഒക്ടോബർ 19- നാണ് ലിയോ പ്രദർശനത്തിനെത്തുക. 14 വർഷങ്ങൾക്ക് ശേഷം വിജയിയും തൃഷയും വീണ്ടും ഒന്നിക്കുന്ന ചിത്രം കൂടിയാണ് ഇത്. ഗില്ലി, കുരുവി, തിരുപ്പാച്ചി, ആത്തി എന്നീ ചിത്രങ്ങൾക്ക് ശേഷം മികച്ച ജോഡികളിൽ ഒന്നായി അറിയപ്പെടുന്നവരാണ് തൃഷയും വിജയിയും.
