അബുദാബി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ (എഡിസിസിഐ) പുതിയ സിഇഒ ആയി അഹമ്മദ് ഖലീഫ അൽ ഖുവൈസിയെ നിയമിച്ചു. അബുദാബി നാഷണൽ ഓയിൽ കമ്പനിയിൽ (അഡ്‌നോക്) ധനകാര്യത്തിലും നിക്ഷേപത്തിലും എക്സിക്യൂട്ടീവ് നേതൃത്വ സ്ഥാനങ്ങൾ വഹിച്ചിരുന്ന വ്യക്തിയാണ് അൽ ഖുവൈസി. കൂടാതെ കമ്പനിയുടെ നേതൃത്വ ടീമിലെ പ്രധാന അംഗവുമായിരുന്നു. ബ്രിട്ടീഷ് പെട്രോളിയം, ഏണസ്റ്റ് ആൻഡ് യങ് എന്നിവയിൽ പ്രവർത്തിച്ച അന്താരാഷ്ട്ര പരിചയവും അദ്ദേഹത്തിനുണ്ട്. ബിസിനസ് സമൂഹത്തെ ശക്തിപ്പെടുത്തുന്നതിലും അബുദാബിയുടെ സമ്പദ്‌വ്യവസ്ഥയുടെ വളർച്ചയ്ക്ക് സംഭാവന നൽകുന്നതിലും അൽ ഖുവൈസി സുപ്രധാന പങ്ക് വഹിക്കുമെന്ന് ADCCI ചെയർമാൻ അബ്ദുല്ല മുഹമ്മദ് അൽ മസ്‌റൂയി അഭിപ്രായപ്പെട്ടു.
അബുദാബി ചേംബറിന്റെ പുതിയ ത്രിവത്സര തന്ത്രമായ 2023-2025 ന് അനുസൃതമായാണ് ഈ തന്ത്രപരമായ തീരുമാനം. സ്വകാര്യ മേഖലയുടെ ശബ്ദമെന്ന നിലയിൽ ചേമ്പറിന്റെ സ്ഥാനം ഉറപ്പിക്കുകയും ഒരു പോളിസി അഡ്വക്കേറ്റർ, നെറ്റ്‌വർക്കർ, സേവന ദാതാവ് എന്നീ നിലകളിൽ അതിന്റെ പങ്ക് വർദ്ധിപ്പിക്കുകയും ചെയ്യുന്നതാണ് അൽ ഖുവൈസിയുടെ നിയമനം. അബുദാബി ഇക്കണോമിക് വിഷൻ 2030 ന്റെ ലക്ഷ്യങ്ങൾ സാക്ഷാത്കരിക്കുന്നതിനുള്ള സഹിഷ്ണുതയും പരസ്പര ബന്ധിതവുമായ ഒരു ബിസിനസ് കമ്മ്യൂണിറ്റി സ്ഥാപിക്കുക എന്നതായിരിക്കും അൽ ഖുവൈസിയുടെ പ്രാഥമിക ദൗത്യം.
അബുദാബി ചേംബറിന്റെ സിഇഒ ആയി നിയമിക്കപ്പെട്ടതിൽ അഭിമാനമുണ്ട്. ബിസിനസ്സ് സമൂഹത്തെ പിന്തുണയ്ക്കുന്നതിനും ശാക്തീകരിക്കുന്നതിനുമുള്ള ശക്തമായ അടിത്തറകൾ പാകുന്നതിന് നേതൃത്വം നൽകുമെന്ന് അൽ ഖുവൈസി പറഞ്ഞു. ബിസിനസ്സ്, നിക്ഷേപം, തന്ത്രം എന്നിവയിൽ രണ്ട് പതിറ്റാണ്ടിലേറെ കാലത്തെ അനുഭവപരിചയമുണ്ട് അൽ ഖുവൈസിയ്ക്ക്.
