ഈ വർഷത്തെ ഹജ്ജിനായി എത്തിയത് 1.4 ദശലക്ഷം വിദേശ തീർഥാടകരെന്ന് റിപ്പോർട്ട്. സൗദി ജനറൽ ഡയറക്ടറേറ്റ് ഓഫ് പാസ്‌പോർട്ട് അധികൃതരാണ് ഇതുസംബന്ധിച്ച കണക്കുകൾ പുറത്തുവിട്ടത്.
ഈ വർഷത്തെ ഹജ്ജിനായി 1,342,351 തീർഥാടകർ രാജ്യത്തിന്റെ വ്യോമ, കര, തുറമുഖങ്ങൾ വഴി എത്തിയെന്നാണ് ജനറൽ ഡയറക്ടറേറ്റ് ഓഫ് പാസ്‌പോർട്ട് അറിയിച്ചത്.
രാജ്യത്തിന് പുറത്ത് നിന്ന് വിമാനത്താവളങ്ങൾ വഴി 1,280,240 തീർഥാടകർ എത്തി, കര തുറമുഖം വഴി വന്നവരുടെ എണ്ണം 57,463 ആയി, കടൽ തുറമുഖങ്ങൾ വഴി വന്നവരുടെ എണ്ണം 4,648 ആയി ഉയർന്നതായും ഡയറക്ടറേറ്റ് ചൂണ്ടിക്കാട്ടി.
