ഹജ്ജ് തീര്‍ത്ഥാടകര്‍ക്കായി പ്രത്യേക വിമാന സര്‍വ്വീസുകളൊരുക്കി സൗദി എയര്‍ലൈന്‍സ്. ഇതിനായി 14 വിമാനങ്ങളാണ് തയ്യാറാക്കിയിട്ടുളളത്. ആഭ്യന്തര അന്താരാഷ്ട്ര സര്‍വ്വീസുകളുടെ എണ്ണം വര്‍ദ്ധിപ്പാക്കാനും തീരുമാനം.
ഇതിന്റെ ഭാഗമായി പതിനഞ്ച് സ്റ്റേഷനുകളില്‍ നിന്ന് 268 അന്താരാഷ്ട്ര സര്‍വ്വീസുകളാണ് സൗദി എയര്‍ലൈന്‍സ് പ്രഖ്യാപിച്ചിട്ടുളളത്. ആറ് സ്റ്റേഷനുകളില്‍നിന്ന് 32 ആഭ്യന്തര സര്‍വ്വീസുകളും നടത്തും. നിലവിലുളള സര്‍വ്വീസുകൾക്ക് പുറമെയാണ് അധിക സര്‍വ്വീസുകൾ പ്രഖ്യാപിച്ചത്.
മക്ക , മദീന വിമാനത്താവളങ്ങളിലേക്കാണ് ഹജ്ജ് സര്‍വ്വീസുകൾ. പുണ്യഭൂമി സന്ദര്‍ശിച്ച ശേഷം മടക്കയാത്രയ്ക്ക് സൗകര്യമൊരുക്കിയും സര്‍വ്വീസുകൾ ക്രമീകരിച്ചിട്ടുണ്ട്. തീര്‍ത്ഥാടകര്‍ക്ക് യാത്രയുമായി ബന്ധപ്പെട്ട എല്ലാ സേവനങ്ങൾക്കും കാര്യക്ഷമമായ ഓണ്‍ലൈന്‍ സംവിധാനവും ഏര്‍പ്പെടുത്തിയിട്ടുണ്ടെന്ന് സൗദി എയര്‍ലൈന്‍സ് വ്യക്തമാക്കി.
