സൗദി രാജകുമാരിയായ ഹന ബിൻത് അബ്ദുല്ല ബിൻ ഖാലിദ് ബിൻ അബ്ദുൽ അസീസ് അൽ സൗദിന്റെ വിയോഗത്തിൽ യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ സൗദി അറേബ്യയിലെ രാജാവ് സൽമാൻ ബിൻ അബ്ദുൽ അസീസ് അൽ സൗദിന് അനുശോചന സന്ദേശം അയച്ചു.
അതേസമയം രാജകുമാരിയുടെ നിര്യാണത്തിൽ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മക്തൂമും അനുശോചനം അറിയിച്ചിട്ടുണ്ട്. കൂടാതെ യുഎഇ യുടെ വൈസ് പ്രസിഡന്റും ഉപപ്രധാനമന്ത്രിയും പ്രസിഡൻഷ്യൽ കോടതി മന്ത്രിയുമായ ശൈഖ് മൻസൂർ ബിൻ സായിദ് അൽ നഹ്യാനും സമാനമായ അനുശോചനം രേഖപ്പെടുത്തിയിട്ടുണ്ട്.
