വനിതാ പോലീസ് ഇൻസ്‌പെക്ടറെ കൈയേറ്റം ചെയ്തതിൽ നടൻ അനൂപ് ചന്ദ്രന്റെ ഭാര്യ ലക്ഷ്മിക്കെതിരെ കേസെടുത്തു.
തിങ്കളാഴ്ച ആലപ്പുഴ സൗത്ത് പോലീസ് ലക്ഷ്മി കക്ഷിയായ പരാതിയെ കുറിച്ച്‌ അന്വേഷിക്കുന്നതിനായി സ്‌റ്റേഷനിലേക്ക് വിളിപ്പിക്കുകയായിരുന്നു. സംസാരിക്കുന്നതിനിടെ ലക്ഷ്മി പ്രകോപിതയായി ഉദ്യോഗസ്ഥരേയും എതിർകക്ഷികളേയും അടിക്കാൻ ശ്രമിച്ചു.
പിന്നാലെ വനിതാ ഇൻസ്‌പെക്ടറുടെ കോളറിന് പിടിച്ച്‌ കൈയ്യേറ്റം ചെയ്യുകയായിരുന്നു. സ്‌റ്റേഷനിലെ കണ്ണാടിയും മറ്റും തല്ലി തകർത്തു. തുടർന്ന് പോലീസ് യുവതിക്കെതിരെ കേസെടുത്തതോടെ കോടതിൽ നിന്നും ജാമ്യം എടുക്കുകയായിരുന്നു.
