ഈ വർഷം നടക്കുന്ന ഏഷ്യാ കപ്പും ഏകദിന ലോകകപ്പും ഹോട്ട്സ്റ്റാറിൽ സൗജന്യമായി കാണാം. ഐപിഎൽ സൗജന്യമായി സ്ട്രീം ചെയ്ത് ജിയോ സിനിമ സബ്സ്ക്രൈബേഴ്സിനെ കൂട്ടിയിരുന്നു. ഇതിന് പിന്നാലെയാണ് ഹോട്ട്സ്റ്റാറും സൗജന്യ സ്ട്രീമിങ്ങുമായി രംഗത്തെത്തിയത്. മൊബൈൽ ഉപഭോക്താക്കൾക്ക് ഏഷ്യാ കപ്പും ഏകദിന ലോകകപ്പും സൗജന്യമായി കാണാനാവുമെന്ന് ഹോട്ട് സ്റ്റാർ വൃത്തങ്ങൾ അറിയിച്ചു.
അതേസമയം സൗജന്യമായി ഐപിഎൽ പ്രദർശിപ്പിച്ചതോടെ ചരിത്രത്തിലെ ഏറ്റവും വലിയ വ്യൂവർഷിപ്പ് ആണ് കഴിഞ്ഞ സീസണിൽ ഹോട്ട്സ്റ്റാറിന് ലഭിച്ചത്. കൂടാതെ ക്രിക്കറ്റ് കൂടുതൽ ജനാധിപത്യപരമാക്കുന്നതിനാണ് ഇത്തരമൊരു തീരുമാനം എടുത്തതെന്നും ഹോട്ട് സ്റ്റാർ വ്യക്തമാക്കി. ഇതിലൂടെ ഇന്ത്യയിലെ കൂടുതൽ മൊബൈൽ ഉപഭോക്താക്കളിലേക്ക് ഹോട്ട്സ്റ്റാറിനെ എത്തിക്കുകയാണ് ലക്ഷ്യമെന്നും ഹോട്ട്സ്റ്റാർ കൂട്ടിച്ചേർത്തു.
