മധ്യവേനലവധിക്കാലം കഴിഞ്ഞ് നമ്മുടെ കുട്ടികൾ അക്ഷരമുറ്റത്തേക്കെത്തി. പുതിയ ലോകവും പാഠങ്ങളും തുറന്നുകൊണ്ടാണ് കുട്ടികളുടെ അധ്യയന വർഷം ആരംഭിക്കുന്നത്. കുട്ടികളെപ്പോലെതന്നെയാണ് പുതിയ ക്ലാസിലേക്കെത്തുമ്പോൾ അധ്യാപകർക്കും കുട്ടികളെ സ്കൂളിലേക്കയക്കുന്ന രക്ഷകർത്താക്കൾക്കുമൊക്കെ ആകാംഷ നിറയുന്നത്. സ്കൂൾ സമയമനുസരിച്ച് നാടാകെയുളള ജിവീതചര്യകൾ ക്രമീകരിക്കപ്പെടുന്നതിന് കൂടിയാണ് ജൂൺ ഒന്ന് തുടക്കമിടുന്നത്.
ഭാവിയിലേക്കുളള പാഠങ്ങൾക്കിലെ കരുതലിൻ്റെ പാഠങ്ങളും ഓർമ്മപ്പെടുത്തേണ്ടതുണ്ട്. സ്കൂളിലേക്കുളള വഴിയാത്രയിലും കൂട്ടുകൂടലുകളിലും മറ്റും അപകടങ്ങളും ചതിക്കുഴികളും പതിയിരിപ്പുണ്ട്. വിവധ സർക്കാർവകുപ്പുകൾ ഏകോപനത്തോടെ മുൻകൂർ തയ്യാറെടുപ്പുകൾ കുട്ടികളുടെ കരുതലിനായി നടപ്പാക്കി കഴിഞ്ഞു.
സ്കൂളുകൾ കേന്ദ്രീകരിച്ച് പുതിയ പ്രൊട്ടക്ഷൻ ഗ്രൂപ്പുകൾ ആരംഭിക്കുകയാണ് പൊലീസ്. സ്കൂൾ പരിസരത്തെ ഗതാഗത സുരക്ഷമുതൽ , സ്കൂളുകൾക്ക് സമീപത്തെ മയത്തുമരുന്ന് മാഫിയ പ്രവർത്തനം വരെ നിരീക്ഷണ വിധേയമാക്കുന്നതാണ് പൊലീസ് പദ്ധതി. ലഹരി പദാർത്ഥങ്ങളുടേയും പാൻ മസാലകളുടേയും വിതരണം വരെ ബന്ധപ്പെട്ട അധികാരികളെ അറിയിക്കാനുളള മാർഗ്ഗങ്ങളും പദ്ധതിയുടെ ഭാഗമാണ്.
ഗതാഗത വകുപ്പും കർശന സുരക്ഷനിർദ്ദേശങ്ങൾ നൽകിയിട്ടുണ്ട്.സ്കൂൾ ബസ്സുകളുടെ യാത്രകൾക്കും മാർഗനിർദ്ദേശങ്ങളുണ്ട്. സ്കൂൾ സമയം ടിപ്പർ ലോറികളുടെ പരക്കം പാച്ചിലിനും വിലക്കുണ്ട്. കുട്ടികളെ കുത്തിനിറച്ചുകൊണ്ടുപോകുന്ന വാഹനങ്ങൾക്കെതിരേയും നടപടികളുണ്ടാകും. മതിയായ ലൈസൻസൊ പെർമിറ്റൊ ഇല്ലാത്ത സ്കൂൾ വാഹനങ്ങൾക്കും ഡ്രൈവർമാർക്കെതിരേയും നടപടികളുണ്ടാകും.
സ്കൂൾ തുറന്ന ആദ്യം ദിനം തന്നെ പത്തനംതിട്ട റാന്നിയിൽ സ്കൂൾ ബസ് മറിഞ്ഞെന്ന വാർത്തായാണെത്തിയത്. ചെറിയ അപകടത്തിലൊതുങ്ങിയെങ്കിലും കണ്ണൊ മനസ്സൊ ഒന്ന് പിഴച്ചാൽ വലിയ ദുരന്തങ്ങൾ ആവർത്തിക്കപ്പെടാമെന്ന് അധികൃതർ മുന്നറിയിപ്പ് നൽകുന്നു.
കുട്ടികളുടെ സുരക്ഷയ്ക്കായി പൊതുജനങ്ങളും കരുതിയിരിക്കേണ്ടതുണ്ട്. കുട്ടികൾ കൂടുതലുളള ജംഗ്ഷനുകളിലും സ്കൂൾ പരിസരങ്ങളിലും വാഹന വേഗത കുറയ്ക്കുന്നതിനൊപ്പം പ്രത്യക ശ്രദ്ധയും നൽകണം. റോഡ് മുറച്ച് കടക്കാൻ ശ്രമിക്കുന്ന കുട്ടികൾക്ക് പ്രത്യേക പരിഗണന നൽകാൻ വാഹനങ്ങളും തയ്യാറാകണം.
കൌമാരക്കാർ സാമൂഹിക വിപത്തിലേക്ക് പതിക്കുന്ന കാലം കൂടിയാണിത്. ലഹരി മാഫിയയുടെ പിടിയിൽ അകപ്പെടാതെ കുട്ടികളെ കരുതേണ്ടത് സമൂഹത്തിൻ്റെ കടമകൂടിയാണ്. പുഴകളിലും അപകടപ്രദേശങ്ങളിലും സാഹസിക യാത്രയ്ക്ക് മുതിരുന്ന കൂട്ടുകാരും മുന്നറിയിപ്പുകൾ അവഗണിക്കരുത്.
ജൂൺ ഒന്ന് മഴയോടെ സ്കൂളിലെത്തുന്ന ഗൃഹാതുരതയുടെ കാലമാണെങ്കിലും ആദ്യ ദിനം മഴനനഞ്ഞെത്തിയവർ ഇക്കുറി വിരളമാണ്.വരും ദിവസങ്ങളിൽ കേരളത്തിൽ ഇടവപ്പാതി ശക്തമാകുമെന്നാണ് നിഗമനം. മഴദിവസങ്ങളിൽ പ്രത്യേത
കരുതലുകളുണ്ടാകേണ്ടതും അനിവാര്യമാണ്.
കുട്ടികളെ സംബന്ധിച്ച് പുതിയ ജീവിത പടവുകളാണ് ഓരോ അധ്യയന വർഷവും. പുതിയ കൂട്ടുകാരും അധ്യാപകരും അറിവുകളും തേടിയെത്തുന്ന കാലം. അവിടെ സഹപാഠികളെ വേർതിരിവില്ലാതെ ഹൃദയത്തോട് ചേർത്തുനിർത്തുന്നതിന് കാലികമായ പ്രാധാന്യം കൂടിയുണ്ട്. നൻമ നിറഞ്ഞ പുതിയ തലമുറയെ പുതിയ സമൂഹത്തെ വാർത്തെടുക്കേണ്ട ഉത്തരവാദിത്തം ഓരോരുത്തരിലുമുണ്ട്. പ്രവേശനോത്സവത്തിൻ്റെ സംസ്ഥാനതല ഉദ്ഘാടനത്തോട് അനുബന്ധിച്ച് മുഖ്യമന്ത്രി ഓർമ്മിപ്പിച്ചതും അതാണ്.
