മലൈക അറോറ കാമുകനും നടനുമായ അർജുൻ കപൂറിൻറെ നഗ്നചിത്രം സോഷ്യൽ മീഡിയയിൽ പോസ്റ്റ് ചെയ്തത് വൈറലാകുകയാണ്. മലൈക അറോറയും അർജുൻ കപൂറും പരസ്പരം ഇൻസ്റ്റാഗ്രാം സ്റ്റോറിയിലും ഫീഡിലും ചിത്രങ്ങൾ പങ്കുവയ്ക്കാറുണ്ട്.
ഇരുവരുടെയും ഒന്നിച്ചുള്ള ചിത്രങ്ങൾക്ക് മുൻപും മികച്ച പ്രതികരണം ലഭിക്കാറുണ്ട്. എന്നാൽ മലൈക പോസ്റ്റ് ചെയ്ത അർജുൻ കപൂറിൻറെ ചിത്രമാണ് ഇപ്പോൾ ചർച്ചയാകുന്നത്. മോണോക്രോം ചിത്രത്തിൽ അർജുൻ പൂർണ്ണനഗ്നനെപ്പോലെയാണ് കാണപ്പെടുന്നത്. ഒരു കുഷ്യൻ വച്ചാണ് അർജുൻ നഗ്നത മറയ്ക്കുന്നത്.
“എന്റെ സ്വന്തം മടിയനായ കുട്ടി. #IYKYK എന്നാണ് ഇതിന് മലൈക ക്യാപ്ഷൻ നൽകിയിരിക്കുന്നത്. ഇൻസ്റ്റഗ്രാം സ്റ്റോറിയായി പോസ്റ്റ് ചെയ്ത ചിത്രം അർജുൻ കപൂർ ഒരു ലൌ ഇമോജിയോടെ ഇത് റീഷെയർ ചെയ്തിട്ടുണ്ട്. എന്നാലും പലരും വളരെ രൂക്ഷമായാണ് ഈ ചിത്രത്തോട് പ്രതികരിച്ച്. ഏറെ ചർച്ചകൾക്കും വിവാദങ്ങൾക്കും വഴിവെച്ച പ്രണയബന്ധമാണ് ബോളിവുഡ് താരങ്ങളായ മലൈക അറോറയുടേതും അർജുൻ കപൂറിൻറേതും. ഇരുവരും തമ്മിലുള്ള പ്രായവ്യത്യാസമാണ് ഏറെയും വിവാദങ്ങളിലേക്ക് നയിച്ചത്.
