മുതിർന്ന അഭിഭാഷകൻ കെ.വി.വിശ്വനാഥൻ സുപ്രീംകോടതി ജഡ്ജിയാകും. പാലക്കാട് കൽപാത്തി സ്വദേശിയാണ് കെ.വി. വിശ്വനാഥൻ.
വിശ്വനാഥന്റെ സത്യപ്രതിജ്ഞ രാവിലെ പത്തരക്ക് മണിക്ക് നടക്കും. ചീഫ് ജസ്റ്റിസ് ഡി.വൈ. ചന്ദ്രചൂഢ് സത്യപ്രതിജ്ഞ ചൊല്ലിക്കൊടുക്കും. കഴിഞ്ഞ 32 വർഷമായി സുപ്രീംകോടതിയിൽ സേവനം അനുഷ്ഠിക്കുന്നയാളാണ് ഇദ്ദേഹം. അർജുൻ രാം മേഘ്വാൾ നിയമമന്ത്രിയായി ചുമതലയേറ്റതോടെയാണ് വിശ്വനാഥനടക്കമുള്ളവരെ ജഡ്ജിയായി നിയമിച്ചത്.
ആന്ധ്രാ ഹൈക്കോടതിയിലെ ജസ്റ്റിസ് സി.ജെ പ്രശാന്ത് കുമാർ മിശ്രയും ചുമതല ഏറ്റെടുക്കുന്നതോടെ സുപ്രീംകോടതിയിലെ ജഡ്ജിമാരുടെ എണ്ണം 34 ആകും.
