ഫ്രഞ്ച് പ്രസിഡൻ്റ് ഇമ്മാനുവൽ മാക്രോണുമായി കൂടിക്കാഴ്ച നടത്തി യുഎഇ പ്രസിഡൻ്റ് ശൈഖ് മുഹമ്മദ് വ്യാഴാഴ്ച വൈകുന്നേരം പാരീസിലെത്തി. ഇരു രാജ്യങ്ങളും തമ്മിലുള്ള ദീർഘകാല സൗഹൃദവും സുസ്ഥിര ബന്ധവും പൊതുവായ രാഷ്ട്രീയ വിഷയങ്ങളും ഇരുവരും ചർച്ച ചെയ്തു.
യുഎഇയും ഫ്രാൻസും ശക്തവും ചരിത്രപരവുമായ പങ്കാളികളാണെന്നും വിവിധ മേഖലകളിൽ കൂടുതൽ സഹകരണത്തിനുള്ള അവസരങ്ങൾ ചർച്ചതെയ്തെന്നും ശൈഖ് മുഹമ്മദ് കൂടിക്കാഴ്ചയ്ക്ക് ശേഷം ട്വിറ്ററിൽ കുറിച്ചു. എല്ലാവർക്കും സുസ്ഥിരവും സമൃദ്ധവുമായ ഭാവി പ്രോത്സാഹിപ്പിക്കുന്നതിന് ഇരു രാജ്യങ്ങളും പ്രതിജ്ഞാബദ്ധരാണെന്ന് ശൈഖ് മുഹമ്മദ് ഓർമ്മിപ്പിച്ചു.
സംസ്‌കാരം, പരിസ്ഥിതി, കാലാവസ്ഥാ വ്യതിയാനം, ബഹിരാകാശം, പുനരുപയോഗ ഊർജം, നിക്ഷേപം, സമ്പദ്‌വ്യവസ്ഥ, ഭക്ഷ്യസുരക്ഷ, നൂതന സാങ്കേതികവിദ്യ എന്നിവയുൾപ്പെടെ മുൻഗണനാ മേഖലകളിൽ കൂടുതൽ സഹകരിക്കാനുള്ള വഴികളാണ് ഇരുനേതാക്കളും ചർച്ച ചെയ്തത്.രാജ്യങ്ങൾക്കിടയിൽ സമാധാനം, സ്ഥിരത, സഹകരണം എന്നിവ പ്രോത്സാഹിപ്പിക്കേണ്ടതിൻ്റെ ആവശ്യകഥയും പ്രാധാന ചർച്ചയായി. ഈ വർഷം അവസാനം യുഎഇ ആതിഥേയത്വം വഹിക്കുന്ന കോപ് 28 കാലാവസ്ഥാ സമ്മേളനത്തെക്കുറിച്ചും ചർച്ചകൾ നടന്നു.
ഫ്രാൻസിൽ ഔദ്യോഗിത സന്ദർശനത്തിനെത്തിയ ശൈഖ് മുഹമ്മദിന് ഊഷ്മളമായ സ്വീകരണമാണ് നൽകിയത്. നടന്ന മറ്റൊരു യോഗത്തിൽ സന്തോഷം പ്രകടിപ്പിച്ച് ഷെയ്ഖ് മുഹമ്മദിനെ മാക്രോൺ സ്വാഗതം ചെയ്തു. ശൈഖ് മുഹമ്മദ് ഇമ്മാനുവൽ മാക്രോണിന് നന്ദിയും അഭിനന്ദനവും അറിയിച്ചു.12 മാസത്തിനുള്ളിൽ ശൈഖ് മുഹമ്മദിൻ്റെ ഫ്രാൻസിലേക്കുള്ള രണ്ടാമത്തെ യാത്രയാണിത് .
