യുഎസിൽ കഞ്ചാവ് കേസില്‍പ്പെട്ട ആയിരക്കണക്കിന് ആളുകള്‍ക്ക് മാപ്പ് കൊടുക്കുന്നതായി യുഎസ് പ്രസിഡൻ്റ് ജോ ബൈഡന്‍ പ്രഖ്യാപനം നടത്തി. ചെറിയ തോതില്‍ കഞ്ചാവ് കൈവശം വച്ചതിനോ ഉപയോഗിച്ചതിനോ ആരും ജയില്‍ ശിക്ഷ അനുഭവിക്കേണ്ടതില്ലെന്ന് പറഞ്ഞാണ് ബൈഡന്‍ ഈ ഉത്തരവിറക്കിയത്. അമേരിക്കയിലെ എല്ലാ സംസ്ഥാനങ്ങളും ഈ ഉത്തരവ് നടപ്പിലാക്കണമെന്നും ജോ ബൈഡന്‍ ആവശ്യപ്പെട്ടു.
നിലവില്‍ അമേരിക്കയില്‍ 6500ഓളം ആളുകളാണ് കഞ്ചാവ് കേസിൽപെട്ടിട്ടുള്ളതെന്ന് ഉദ്യോഗസ്ഥര്‍ അറിയിച്ചു. രാജ്യത്ത് കഞ്ചാവ് ഭാഗികമായെങ്കിലും നിയമവിധേയമാക്കുന്നതിന് മുന്നോടിയായാണ് ഇത്തരമൊരു നീക്കം.
ചെറിയ തോതില്‍ കഞ്ചാവ് കൈവശം വച്ചതിന് ശിക്ഷയനുഭവിക്കുന്ന ആയിരക്കണക്കിന് ആളുകള്‍ ഈ രാജ്യത്തുണ്ടെന്ന് പറഞ്ഞ ജോ ബൈഡൻ അവര്‍ക്കൊക്കെ തൊഴില്‍, പാര്‍പ്പിടം, വിദ്യാഭ്യാസം തുടങ്ങിയ അടിസ്ഥാന അവകാശങ്ങളെല്ലാം നിഷേധിക്കപ്പെടുമെന്നത് ഒഴിവാക്കാനാണ് ഞാന്‍ ഇത്തരമൊരു തീരുമാനെടുത്തതെന്നും പ്രതികരിച്ചു.
എന്നാൽ കഞ്ചാവ് കടത്ത്, വില്‍പ്പന, പ്രായപൂര്‍ത്തിയാകാത്തവര്‍ ഉപയോഗിക്കുന്നത് എന്നിവ കുറ്റകൃത്യങ്ങളാണ്.
