മുൻ ഡി.ജി.പി ടോമിൻ ജെ. തച്ചങ്കരി അജ്മാൻ പൊലീസ് മേധാവിയെ സന്ദർശിച്ചു. യു.എ.ഇ സന്ദർശനത്തിനിടെ അജ്മാൻ പൊലീസ് ക്ലബ് ഫോർ സ്‌പോർട്‌സ് ആൻഡ് ഷൂട്ടിങ്ങിൽ എത്തിയ തച്ചങ്കരിയെ ബ്രിഗേഡിയർ ജനറൽ ഉബൈദ് അൽ മത്രൂഷിയുടെ സാന്നിധ്യത്തിൽ അജ്മാൻ പൊലീസ് കമാൻഡർ ഇൻ ചീഫ് ശൈഖ് ജനറൽ ഷെയ്ഖ് സുൽത്താൻ അൽ നുഐമി സ്വീകരിച്ചു.
തച്ചങ്കരിയുടെ സന്ദർശനത്തെ മേജർ ജനറൽ ശൈഖ് സുൽത്താൻ ബിൻ അബ്ദുല്ല അൽ നുഐമി അഭിനന്ദിച്ചു. അജ്മാൻ പൊലീസ് മേധാവിയോടൊപ്പം ക്ലബിലെ ബൗളിങ് ഹാൾ, ബില്യാർഡ്‌സ്, സ്‌നൂക്കർ, വർക്ക്‌ഷോപ്പുകൾക്കും ഇവൻറുകൾക്കുമുള്ള ഹാളുകൾ എന്നിവയുടെ സൗകര്യങ്ങൾ സന്ദർശിച്ചു.
ചടങ്ങിനോടനുബന്ധിച്ച്‌ തച്ചങ്കരിയുടെ ചിത്രം ആലേഖനം ചെയ്ത കേക്കാണ് മുറിച്ചത്.
