മുൻ ധനമന്ത്രിയും മുതിർന്ന സിപിഐഎം നേതാവുമായ ടി.ശിവദാസമേനോൻ അന്തരിച്ചു. 90 വയസായിരുന്നു. കോഴിക്കോട്ടെ സ്വകാര്യ ആശുപത്രിയിൽ ചികിൽസയിലിരിക്കെയാണ് അന്ത്യം. 2 തവണ നിയമസഭാ അംഗവും 2 തവണ മന്ത്രിയുമായിരുന്നു ശിവദാസ മേനോൻ. 1987 മുതൽ 1991 വരെയും 1991 മുതൽ 1996 വരെയും 1996 മുതൽ 2001 വരെയും മലമ്പുഴയിൽ നിന്ന് നിയമസഭയിലേക്ക് തിരഞ്ഞെടുക്കപ്പെട്ടു. 1987 മുതൽ വൈദ്യുതി ഗ്രാമവികസന വകുപ്പ് മന്ത്രിയായിരുന്നു. നിയമസഭയിൽ മന്ത്രിയായ ശേഷമാന് ശിവദാസ മേനോൻ സത്യപ്രതിജ്ഞ ചെയ്തത്. 1991ൽ പ്രതിപക്ഷത്തായിരുന്നപ്പോൾ ചീഫ് വിപ്പായി പ്രവർത്തിച്ചു. 1996 മുതൽ 2001 വരെ ധനമന്ത്രിയായിരുന്നു. കൂടാതെ പബ്ലിക് അക്കൗണ്ട്സ് കമ്മിറ്റി ചെയർമാനുമായിരുന്നു. പാലക്കാട് നിന്ന് ലോക്സഭയിലേക്ക് മൽസരിച്ചെങ്കിലും പരാജയപ്പെട്ടു. ഭാര്യ ഭവാനി അമ്മ 2003ലാണ് മരിച്ചത്. ടി കെ ലക്ഷ്മീദേവിയും കല്ല്യാണിക്കുട്ടിയും മക്കളാണ്.
അധ്യാപകസംഘടനാ പ്രവർത്തനത്തിലൂടെയാണ് രാഷ്ട്രീയത്തിൽ പ്രവേശിച്ചത്. ഒരു കാലത്ത് ഇടതുപക്ഷ രാഷ്ട്രീയത്തിന്റെ നിയന്ത്രണം ഏറ്റെടുത്ത നേതാവാണ് ശിവദാസ മോനോൻ. എക്സൈസ് മന്ത്രിയായിരിക്കെ കള്ള് ഷാപ്പുകൾ മുതലാളിമാരിൽ നിന്ന് സഹകരണ സംഘങ്ങൾക്ക് ഏൽപ്പിച്ചു കൊടുത്ത തീരുമാനമാണ് ശിവദാസ മേനോന്റെതായി എന്നും ഓർമിക്കപ്പെടുക.
ആദ്യ കാലത്ത് കേരള സംസ്ഥാന വിദ്യാഭ്യാസ ഉപദേശക
സമിതിയിലും കാലിക്കറ്റ് സർവകലാശാലയിലെ സിൻഡിക്കറ്റിലും അംഗമായിരുന്നു. പിന്നീട് കേരള പ്രൈവറ്റ് ടീച്ചേഴ്സ് ഫെഡറേഷന്റെ മലബാർ റീജിയണൽ പ്രസിഡന്റായും കേരള പ്രൈവറ്റ് ടീച്ചേഴ്സ് ഫെഡറേഷന്റെ മലബാർ റീജിയണൽ പ്രസിഡന്റായും കേരള പ്രൈവറ്റ് ടീച്ചേഴ്സ് യൂണിയന്റെ (കെപിടിയു) ജനറൽ സെക്രട്ടറിയായും പ്രവർത്തിച്ചിട്ടുണ്ട്.
