യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ കുവൈത്ത് അമീർ ഷെയ്ഖ് മിഷാൽ അൽ അഹമ്മദ് അൽ ജാബർ അൽ സബാഹിന് ഓർഡർ ഓഫ് സായിദ് പുരസ്കാരം നൽകി ആദരിച്ചു. രാഷ്ട്രത്തലവന്മാർക്കും രാജാക്കന്മാർക്കും നേതാക്കന്മാർക്കും യുഎഇ നൽകുന്ന പരമോന്നത ബഹുമതിയാണ് ഓഫ് സായിദ് പുരസ്കാരം.
ഇരു രാജ്യങ്ങളും തമ്മിലുള്ള ബന്ധങ്ങൾ മെച്ചപ്പെടുത്താനുള്ള കുവൈത്ത് അമീറിന്റെ പ്രയത്‌നങ്ങൾക്കുള്ള ആദരവാണിത്. കുവൈത്ത് അമീറിന്റെ യുഎഇ സന്ദർശനത്തിനിടെ അബുദാബിയിലെ കാസർ അൽ വതനിലായിരുന്നു പുരസ്‌കാര സമർപ്പ‌ണം.
ഇരുരാജ്യങ്ങളും തമ്മിലുള്ള സാഹോദര്യബന്ധം ശക്തിപ്പെടുത്തുന്നതിലും ഗൾഫ് സഹകരണ കൗൺസിലിലെ അംഗരാജ്യങ്ങളിൽ ഐക്യവും അഖണ്ഡതയും ഊട്ടിയുറപ്പിക്കുന്നതിനുള്ള അദ്ദേഹത്തിന്റെ സമർപ്പണ ശ്രമങ്ങളെ അഭിനന്ദിച്ചു. കുവൈറ്റ് അമീറിനും സഹോദരീ കുവൈറ്റ് ജനതയ്ക്കും തുടർന്നും പുരോഗതിക്കും സമൃദ്ധിക്കും വേണ്ടിയുള്ള തൻ്റെ ഹൃദയംഗമമായ ആശംസകൾ രാഷ്ട്രപതി അറിയിച്ചു.
