എമിറേറ്റിൽ യാചകർക്കെതിരെ നടപടി കർശനമാക്കി അജ്മാൻ പൊലീസ്. റമദാനിലെ ആദ്യ ആഴ്ചയിൽ 45 യാചകരെ അജ്മാനിൽ പോലീസ് അറസ്റ്റ് ചെയ്തു.
രാജ്യത്തെ പൗരന്മാരുമായും താമസക്കാരുമായും വിവിധ സ്ഥാപനങ്ങളുമായും സഹകരിച്ച് യാചകരെ പരിമിതപ്പെടുത്തുക എന്ന ലക്ഷ്യമാണ് ഈ വർഷത്തെ കാമ്പെയ്നിലുള്ളത്. വാണിജ്യ വിപണികൾ, പാർപ്പിട പരിസരങ്ങൾ, പള്ളികൾ, ബാങ്കുകൾ തുടങ്ങിയ യാചകർ ഏറ്റവും കൂടുതൽ എത്തുന്ന സ്ഥലങ്ങളിൽ നിരീക്ഷണം ശക്തമാക്കി.
ദരിദ്രരെയും രോഗികളെയും ഫണ്ട് ആവശ്യമുള്ളവരെയും സഹായിക്കുന്ന നിരവധി ചാരിറ്റബിൾ അസോസിയേഷനുകൾക്ക് അജ്മാൻ സൗകര്യമൊരുക്കുന്നു. ഭിക്ഷാടകരെ കുറിച്ച് അറിയിക്കാൻ പോലീസുമായി ബന്ധപ്പെടാൻ ടെലിഫോൺ നമ്പറും ( 067034309) അധികൃതർ പുറത്തുവിട്ടിട്ടുണ്ട്.
