പാകിസ്താനിലെ ബലൂചിസ്താനില് നബിദിനാഘോഷ റാലിക്കിടെയുണ്ടായ ചാവേര് സ്ഫോടനത്തില് 50 പേര് കൊല്ലപ്പെട്ടു. ബലൂചിസ്താനിലെ മസ്തൂങ്ങിലെ മസ്ജിദിന് സമീപമാണ് സ്ഫോടനം നടന്നത്.
ഡെപ്യൂട്ടി പൊലീസ് സൂപ്രണ്ട് നവാസ് ഗിഷ്കോരിയുടെ വാഹനത്തിനരികെ വെച്ചാണ് ചാവേര് പൊട്ടിത്തെറിച്ചതെന്ന് മുതിര്ന്ന പൊലീസ് ഉദ്യോഗസ്ഥര് പറഞ്ഞു. ആക്രമണത്തില് നവാസ് ഗിഷ്കോരി കൊല്ലപ്പെട്ടു. 50 ലേറെ ആളുകള്ക്ക് പരിക്കേല്ക്കുകയും ചെയ്തു.
പരിക്കേറ്റവരെ സമീപത്തെ ആശുപത്രിയില് എത്തിച്ചിട്ടുണ്ട്. ചിലരുടെ പരിക്ക് ഗുരുതരമാണ്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.
ഭീകരാക്രമണമാണെന്ന് പാക് ആഭ്യന്തരമന്ത്രാലയം സ്ഥിരീകരിച്ചിട്ടുണ്ട്. പ്രവാചകന്റെ ജൻമദിനം ആഘോഷിച്ച നിരപരാധികളായ ആളുകള്ക്കു നേരെ ഇത്തരത്തിലൊരു ആക്രമണം നടത്തിയവര് ഭീരുക്കളാണെന്നും സര്ക്കാര് വൃത്തങ്ങള് പറഞ്ഞു.
Heartbreaking news from Mastung, Balochistan, as a bomb blast during an Eid Milad-un-Nabi ceremony has taken innocent lives#MastungBlast #Mastung #EidMiladUnNabi pic.twitter.com/XxbSqGCMFh
— The Pakistan Frontier (@PakFrontier) September 29, 2023