തിരുവോണം കഴിഞ്ഞെങ്കിലും ലോകമെമ്പാടുമുള്ള മലയാളികളുടെ ഓണാഘോഷം കുറച്ചു ദിവസങ്ങൾകൂടി നീണ്ടു നിൽക്കും. അതേസമയം ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം തിരുവോണ ദിവസം മലയാളികൾക്ക് ഓണാശംസകൾ നേർന്ന് ഇൻസ്റ്റഗ്രാമിൽ പങ്കുവെച്ച ഓണ സദ്യയുടെ ചിത്രം വളരെ വേഗത്തിലാണ് വൈറലായത്.
ഇപ്പോൾ യുകെയിലെ ഷോർക്ഷെയറിൽ അവധിക്കാലം ചെലവഴിക്കുകയാണ് ഷെയ്ഖ് ഹംദാൻ. വിഭവസമൃദ്ധമായ ഓണസദ്യയുടെ ചിത്രമാണ് ഷെയ്ഖ് ഇൻസ്റ്റഗ്രാമിൽ പങ്കുവെച്ചത്.
വാഴയിലയിൽ 27 തരം വിഭവങ്ങൾ കാണാം. ഹാഷ്ടാഗ് ഹാപ്പി ഓണം എന്നും ചേർത്തിരുന്നു, എന്തായാലും പ്രവാസിക മലയാളികൾ ഷെയ്ഖ് ഓണാശംസ ഇരുകയ്യും നീട്ടിയാണ് സ്വീകരിച്ചത്.
