സച്ചിൻ പൈലറ്റ് കോൺഗ്രസ് വിടാനൊരുങ്ങുന്നു. രാജസ്ഥാൻ കോൺഗ്രസിലെ തർക്കങ്ങൾക്ക് പരിഹാരം കണ്ടെത്താൻ സാധിക്കാത്തത്തിന് പിന്നാലെയാണ് സച്ചിൻ പൈലറ്റിൻ്റെ തീരുമാനം. അതേസമയം സച്ചിൻ പുതിയ പാർട്ടി രൂപീകരിക്കുമെന്നാണ് പുറത്ത് വരുന്ന സൂചന.
പിതാവിന്റെ ചരമദിന വാർഷികത്തിലായിരിക്കും പുതിയ പാർട്ടി സംബന്ധിച്ച പ്രഖ്യാപനം നടത്തുക. പ്രകൃതി ശീൽ കോൺഗ്രസ് എന്ന പേരിലാകും പുതിയ പാർട്ടി രൂപീകരിക്കുക എന്നാണ് റിപ്പോർട്ട്‌. പാർട്ടിയുടെ രജിസ്ട്രേഷൻ സംബന്ധിച്ച നടപടിക്രമങ്ങൾ സച്ചിൻ പൈലറ്റ് വിഭാഗം ആരംഭിച്ചതായും വിവരമുണ്ട്.
