ശനിയാഴ്ച സാൻഫ്രാൻസിസ്കോയിലെ ഇന്ത്യൻ കോൺസുലേറ്റിന് നേരെയുണ്ടായ ആക്രമണത്തെ അപലപിച്ച് അമേരിക്ക. ഖാലിസ്ഥാൻ തീവ്രവാദികളുടെ നീക്കത്തിൽ അമേരിക്ക പ്രതിഷേധം രേഖപ്പെടുത്തി.
വിഷയത്തിൽ അമേരിക്ക ശക്തമായി അപലപിക്കുന്നതായി യുഎസ് സ്റ്റേറ്റ് ഡിപ്പാർട്മെന്റ് വക്താവ് മാത്യു മില്ലർ ട്വീറ്റ് ചെയ്തു. കോൺസുലേറ്റിന് നേരെ ആക്രമണം നടത്തുകയും കോൺസുലേറ്റിന് തീയിടാനുള്ള നീക്കമാണ് നടന്നത്. അധികൃതരുടെ സമയോജിതമായ ഇടപെടലിൽ തീ അണയ്ക്കാൻ സാധിച്ചതിനാൽ നാശനഷ്ടങ്ങൾ കുറഞ്ഞു.
അഞ്ചു മാസത്തിനിടെ രണ്ടാം തവണയാണ് ഖാലിസ്ഥാൻ അനുകൂലികൾ സാൻഫ്രാൻസിസ്കോയിലെ ഇന്ത്യൻ കോൺസുലേറ്റിന് നേരെ ആക്രമണം നടത്തുന്നത്. കോൺസുലേറ്റ് സ്ഥാപനങ്ങൾക്കും നയതന്ത്രജ്ഞർക്കുമെതിരായുള്ള അക്രമം ക്രിമിനൽ കുറ്റമാണെന്നും യുഎസ് സ്റ്റേറ്റ് ഡിപ്പാർട്മെൻ്റ് വ്യക്തമാക്കി
