ലോകകപ്പിൽ ഇന്ന് പാകിസ്ഥാൻ നെതർലൻഡിനെ നേരിടും. ഉച്ചയ്ക്ക് രണ്ടിന് തുടങ്ങുന്ന കളിയിൽ ഇരുടീമുകളും വിജയം ലക്ഷ്യമിട്ടാണ് ഇറങ്ങുന്നത്. ഹൈദരാബാദിലാണ് മത്സരം നടക്കുന്നത്.
ലോകകപ്പിൽ ഇതുവരെ കളിച്ച 15 മത്സരങ്ങളിൽ നെതർലൻഡ്‌സിനു വിജയിക്കാൻ കഴിഞ്ഞത് രണ്ടുകളിയിൽ മാത്രമാണ്. മുൻപ് പാകിസ്താനും നെതർലൻഡും ഏറ്റുമുട്ടിയിരുന്ന ആറ് കളിയിലും ജയം പാകിസ്ഥാനൊപ്പമായിരുന്നു. അവസാന അഞ്ച് ലോകകപ്പിൽ നാല് തവണയും പാകിസ്ഥാന് പരാജയം പതിവായിരുന്നു. എന്നാൽ ഇത്തവണ പതിവ് തെറ്റിക്കാനാണ് പാക്കിസ്ഥാൻ തീരുമാനം.
ഫഖർ സമാൻ, ഇമാം ഉൾ ഹഖ്, ബാബർ അസം , മുഹമ്മദ് റിസ്‌വാൻ, അഗ സൽമാൻ, ഇഫ്തിഖർ അഹമ്മദ്, ഷദാബ് ഖാൻ, മുഹമ്മദ് നവാസ്, മുഹമ്മദ് വസിം, ഷഹീൻ അഫ്രീദി, ഹാരിസ് റൗഫ് എന്നിവരാണ് പാകിസ്ഥാൻ സാധ്യതാ ഇലവനിലുള്ളത്.
