മദ്യനയഅഴിമതിക്കേസിൽ അറസ്റ്റിലായ ദില്ലി മുഖ്യമന്ത്രി അരവിന്ദ് കെജ്‍രിവാളിനെതിരെ അണ്ണാ ഹസാരെ. സ്വന്തം പ്രവർത്തികളുടെ ഫലമാണ് അരവിന്ദ് കേജ്‍രിവാൾ അനുഭവിക്കുന്നത്. മദ്യത്തിനെതിരെ ശബ്ദമുയർത്തിയ അരവിന്ദ് കെജ്രിവാൾ മദ്യനയങ്ങൾ ഉണ്ടാക്കുന്നതിൽ താൻ അസ്വസ്ഥനാണെന്നും അണ്ണാ ഹസാരെ പറഞ്ഞു.
അണ്ണാഹസാരെ അഴിമതിക്കെതിരെ നടത്തിയ ലോക്പാൽ സമരത്തിലൂടെ ഉയർന്നുവന്ന നേതാവാണ് അരവിന്ദ് കെജ്രിവാൾ. പിന്നീട് ആംആദ്മി പാർട്ടി രൂപീകരിക്കുകയും ഡൽഹിയിലും പിന്നീട് പഞ്ചാബിലും ഭരണം നേടുകയും ചെയ്തു. എന്നാൽ ഏറെക്കാലമായി ആംആദ്മിയുമായി അകലം പാലിച്ച് നിൽക്കുകയാണ് അണ്ണാ ഹസാരെ.
മദ്യനയ രൂപീകരണത്തിൽ അഴിമതി ആരോപിച്ച് നടത്തിയ അന്വേഷണങ്ങൾക്കൊടുവിലാണ് മുഖ്യമന്ത്രി അരവിന്ദ് കെജ്‍രിവാളിനെ ഇഡി മാർച്ച് 21 ന് രാത്രി അറസ്റ്റ് ചെയ്തത്.
