സർവ്വീസ് റദ്ദാക്കി എയർ ഇന്ത്യ എക്സ്പ്രസ്. കുവൈത്തിൽ നിന്നും കണ്ണൂരിലേയ്ക്കുള്ള എയർ ഇന്ത്യ എക്‌സ്പ്രസാണ് റദ്ദാക്കിയത്. നവംബർ 30, ഡിസംബർ എഴ് തിയതികളിലുള്ള സർവീസുകളാണ് റദ്ദാക്കിയത്. ഈ ദിവസങ്ങളിൽ ടിക്കറ്റ് ബുക്ക് ചെയ്തവർക്ക് ടിക്കറ്റ് മാറ്റി ബുക്ക് ചെയ്യാൻ സാധിക്കുമെന്ന് കമ്പനി അധികൃതർ വ്യക്തമാക്കി.
റദ്ദാക്കിയ സർവീസുകൾക്ക് പകരം ഡിസംബർ ഒന്ന്, എട്ട് തിയതികളിൽ പ്രത്യേക സർവീസുകൾ നടത്തുമെന്ന് എയർ ഇന്ത്യ അറിയിച്ചു. റദ്ദാക്കിയ ദിവസങ്ങളിൽ ടിക്കറ്റ് ബുക്ക് ചെയ്‌ത യാത്രക്കാർക്ക് എഴ് ദിവസത്തിനുള്ളിൽ ഏത് ദിവസത്തേയ്ക്കും ടിക്കറ്റ് സൗജന്യമായി മാറ്റിയെടുക്കാൻ സാധിക്കുമെന്നും അധികൃതർ അറിയിച്ചു.
