കമൽഹാസൻ-മണിരത്നം കൂട്ടുകെട്ടിലൊരുങ്ങുന്ന പുതിയ ചിത്രം KH-234 ഇൽ ദുൽഖർ സൽമാനും. : ‘ഒ കെ കൺമണി’യ്ക്ക്‌ ശേഷം മണിരത്നം ചിത്രത്തിൽ ദുൽഖർ വീണ്ടുമെത്തുന്നു എന്ന പ്രത്യേകതയുമുണ്ട്. 1987ൽ പുറത്തിറങ്ങിയ ക്ലാസിക് ചിത്രമായ ‘നായകനു’ ശേഷം കമൽഹാസൻ-മണിരത്നം കൂട്ടുകെട്ടിൽ ഒരുങ്ങുന്ന ചിത്രത്തിന് KH234 എന്നാണ് താൽക്കാലികമായി നൽകിയിരിക്കുന്ന പേര്. 35 വര്‍ഷത്തെ ഇടവേളയ്ക്കു ശേഷം കമല്‍ഹാസന്‍-മണിരത്നം ടീം ഒന്നിക്കുന്നു എന്നത് തന്നെയാണ് സിനിമയുടെ ഏറ്റവും വലിയ ഹൈലൈറ്റ്.
വലിയ താര നിരയാണ് ചിത്രത്തില്‍ എത്തുന്നത് എന്നാണ് പുറത്ത് വരുന്ന വിവരം. തൃഷയാണ് ചിത്രത്തിലെ നായിക. ആക്ഷന് പ്രാധാന്യം നല്‍കിയിരിക്കുന്ന ചിത്രത്തിന് അൻപറിവ് സഹോദരങ്ങളാണ് ആക്‌ഷൻ കൊറിയോഗ്രഫി നിർവഹിക്കുന്നത്. രവി.കെ ചന്ദ്രനാണ് ചിത്രത്തിന്റെ ഛായാഗ്രഹണം. എഡിറ്റിങ് ശ്രീകർ പ്രസാദ് നിർവഹിക്കുന്നു. പ്രൊഡക്‌ഷൻ ഡിസൈനർ ശർമിഷ്ഠ റോയാണ്. കോസ്റ്റ്യൂം ഏക ലഖാനി. കമൽഹാസൻ സ്റ്റൈലിസ്റ്റ് അമൃത റാം. ഹെയർ ആൻഡ് മേക്കപ്പ് മലയാളിയായ രഞ്ജിത്ത് അമ്പാടിയും നിർവഹിക്കുന്നു.
