കർണാടക മുഖ്യമന്ത്രി സിദ്ധരാമയ്യയുടെ ജീവിതം സിനിമയാക്കാനൊരുങ്ങുന്നു. ‘ലീഡർ രാമയ്യ’ എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് സത്യ രത്നമാണ്. ചിത്രത്തിൽ നടൻ വിജയ് സേതുപതി ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഒരു മാധ്യമത്തിന് നൽകിയ അഭിമുഖത്തിലാണ് സംവിധായകനാണ് ഇക്കാര്യം വെളിപ്പെടുത്തിയത്.
രണ്ടു ഭാഗങ്ങളിലായി എത്തുന്ന ചിത്രത്തിൽ വ്യത്യസ്തമായ രണ്ട് ഗെറ്റപ്പിലാകും വിജയ് സേതുപതി എത്തുക. ആദ്യഭാഗത്തിൽ അതിഥി വേഷത്തിലും രണ്ടാം ഭാഗത്തിൽ മുഴു നീള വേഷത്തിലും വിജയ് സേതുപതിയെത്തുമെന്നും സംവിധായകൻ വ്യക്തമാക്കി. ചിത്രത്തിന്റെ ആദ്യ ഷെഡ്യൂൾ ഇതിനോടകം പൂർത്തിയായിട്ടുണ്ടെന്നും സംവിധായാകൻ അറിയിച്ചു.
വിജയ് സേതുപതിക്കൊപ്പം വൻ താരനിരയാണ് ചിത്രത്തിൽ അണിനിരക്കുക. ഇത് സംബന്ധിച്ച കൂടുതൽ വിവരങ്ങൾ വരും ദിവസങ്ങളിൽ വെളിപ്പെടുത്തുമെന്നും സംവിധായകൻ അഭിമുഖത്തിൽ പറഞ്ഞു. ഇതാദ്യമായാണ് വിജയ് സേതുപതി ഒരു ബയോപിക്കിൽ അഭിനയിക്കുന്നത്. എന്നാൽ വിജയ് സേതുപതിയാണ് സിദ്ധരാമയ്യയായി എത്തുക എന്നാ തരത്തിലുള്ള റിപ്പോർട്ടുകൾ പുറത്തു വരുന്നുണ്ട്. ഇത് സംബന്ധിച്ച ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല.
