മലയാള സിനിമയുടെ ഹാസ്യ സാമ്രാട്ട് ജഗതി ശ്രീകുമാറിന് 73ാം പിറന്നാൾ ആശംസകൾ നേർന്ന് മോഹൻലാൽ. ‘പ്രിയപ്പെട്ട അമ്പിളി ചേട്ടന് എന്റെ ഹൃദയം നിറഞ്ഞ ജന്മദിനാശംസകൾ’ എന്ന് ജഗതിക്കൊപ്പമുള്ള ചിത്രം പങ്കുവെച്ചുകൊണ്ട് മോഹൻലാൽ ഫേസ്ബുക്കിൽ കുറിച്ചു. ഇരുവരും ഒന്നിച്ചെത്തിയ ചിത്രങ്ങൾ വൻ വിജയമായിരുന്നു.
എം ടി വാസുദേവൻ നായരുടെ തിരക്കഥയിൽ കെ. എസ് സേതുമാധവൻ സംവിധാനം ചെയ്ത ‘കന്യാകുമാരി’ എന്ന ചിത്രത്തിലൂടെയാണ് ജഗതി മുഖ്യധാരസിനിമയുടെ ഭാഗമാകുന്നത്.1975 ൽ റിലീസ് ചെയ്ത ‘ചട്ടമ്പിക്കല്യാണി’ എന്ന ചിത്രത്തിലാണ് ആദ്യമായി അദ്ദേഹം ഹാസ്യവേഷം ചെയ്തത്. പിന്നീട് വ്യത്യസ്തമായ കഥാപാത്രങ്ങളിൽ പ്രേക്ഷകരെ ചിരിപ്പിച്ചും ചിന്തിപ്പിച്ചും കരയിപ്പിച്ചും ജഗതി ഒപ്പം കൂടി. അഭിനയം മാത്രമല്ല ‘കല്യാണ ഉണ്ണികൾ,’ ‘അന്നകുട്ടി കോടമ്പാക്കം വിളിക്കുന്നു’ എന്നീ രണ്ട് ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്.
