മകൾ അനൗഷ്കയുടെ പിറന്നാൾ ആഘോഷമാക്കി താര ദമ്പതികളായ അജിത്ത് കുമാറും ശാലിനിയും. അജിത്തിനും ഇളയ മകൻ ആദ്വികിനുമൊപ്പം മകളുടെ പിറന്നാൾ ആഘോഷിക്കുന്ന ചിത്രങ്ങളാണ് ശാലിനി സാമൂഹ്യമാധ്യമത്തിലൂടെ പങ്കുവെച്ചത്. നിരവധി പേരാണ് അനൗഷ്കയ്ക്ക് പിറന്നാൾ ആശംസ അറിയിച്ചുകൊണ്ടെത്തിയത്.
മകൾക്ക് പിറന്നാൾ ആശംസകൾ എന്ന കുറിപ്പോടെയാണ് ശാലിനി പിറന്നാൾ ചിത്രം ആരാധകരുമായി പങ്കുവെച്ചത്. അനൗഷ്കയുടെ 16-ാം പിറന്നാളാണ് താരദമ്പതികൾ ആഘോഷിച്ചത്. 2022-ലാണ് ശാലിനി സാമൂഹ്യമാധ്യമങ്ങളിൽ സജീവമാകുന്നത്. പിന്നീട് കുടുംബത്തിന്റെ വിശേഷങ്ങളും യാത്രകളുടെ ചിത്രങ്ങളുമെല്ലാം ശാലിനി ആരാധകരുമായി പങ്കുവെയ്ക്കാറുമുണ്ട്.
വിവാഹ ശേഷം സിനിമാലോകത്തുനിന്ന് ഇടവേളയെടുത്ത നടിയാണ് മലയാളികളുടെ പ്രിയതാരമായ ശാലിനി. കൂടാതെ പൊതുവേദികളിലോ സിനിമയുമായി ബന്ധപ്പെട്ട പരിപാടികളിലോ ശാലിനി പ്രത്യക്ഷപ്പെടാറുമില്ല. എങ്കിലും ശാലിനിയുമായി ബന്ധപ്പെട്ട വാർത്തകൾ അറിയാൻ മലയാളികൾ ഉൾപ്പെടെയുള്ള ആരാധകർ വളരെ താത്പര്യപ്പെടാറുണ്ട്.
