നടി ആര്‍. സുബ്ബലക്ഷ്മി (87) അന്തരിച്ചു. വാര്‍ധക്യസഹജമായ അസുഖങ്ങളെ തുടർന്ന് തിരുവനന്തപുരത്തെ ആശുപത്രിയിൽ ആയിരുന്നു അന്ത്യം. ചെറുപ്പ കളം മുതല്‍ കലാരംഗത്ത് സജീവമായിരുന്നു. 1951 ല്‍ ഓള്‍ ഇന്ത്യ റേഡിയോയില്‍ പ്രവര്‍ത്തിച്ചിട്ടുണ്ട്. തെന്നിന്ത്യയിലെ ഓള്‍ ഇന്ത്യ റേഡിയോയിലെ ആദ്യ വനിതാ കമ്പോസർ കൂടിയായിരുന്നു സുബ്ബലക്ഷ്മി.
നിരവധി ടെലിഫിലിമുകളിൽ അഭിനയിച്ചിട്ടുണ്ട്. ഡബ്ബിങ് ആർട്ടിസ്റ്റ് കൂടിയായ സുബ്ബലക്ഷ്മി രഞ്ജിത്ത് സംവിധാനം ചെയ്ത ‘നന്ദനം’ എന്ന ചിത്രത്തിലൂടെയാണ് സിനിമാരംഗത്തേക്ക് അരങ്ങേറ്റം കുറിച്ചത്. പിന്നീട് ‘കല്യാണരാമന്‍’, ‘തിളക്കം’, ‘പാണ്ടിപ്പട’,’ സി.ഐ.ഡി മൂസ’, ‘സൗണ്ട് തോമ’, ‘കൂതറ’, ‘പ്രണയകഥ’, ‘സീത കല്യാണം’, ‘വണ്‍’, ‘റാണി പദ്മിനി’ തുടങ്ങി എഴുപതോളം മലയാള ചിത്രങ്ങളില്‍ അഭിനയിച്ചു. നടിയും നർത്തകിയുമായ താര കല്യാൺ മകളാണ്.
