നിലയ്ക്കാത്ത പ്രതിഷേധങ്ങള്ക്കൊടുവില് സില്വര്ലൈന് പദ്ധതി തത്കാലികമായി ഉപേക്ഷിക്കാൻ സര്ക്കാര് തീരുമാനം. പദ്ധതിയ്ക്കായുള്ള സാമൂഹികാഘാത പഠനം വീണ്ടും നടത്തില്ല. ഇതിനായി നിയോഗിച്ച റവന്യൂ ഉദ്യോഗസ്ഥരെ തിരിച്ചുവിളിക്കാനും തീരുമാനമായി. പതിനൊന്ന് ജില്ലകളിലായി 205 ഉദ്യോഗസ്ഥരെ നിയോഗിച്ചിരുന്നു. തുടര്നടപടികള് കേന്ദ്ര അനുമതി ഉണ്ടെങ്കില് മാത്രം മതിയെന്നാണ് തീരുമാനം.
വ്യാപക എതിര്പ്പിനെ തുടര്ന്നാണ് സിൽവര്ലൈൻ പദ്ധതി മരവിപ്പിക്കുന്നത്. സില്വര്ലൈന് ഉപേക്ഷിക്കാനുള്ള തീരുമാനം സ്വാഗതാര്ഹമെന്ന് സമരസമിതി അറിയിച്ചു. സമരക്കാര്ക്ക് എതിരെ എടുത്ത കേസുകള് പിന്വലിക്കണമെന്നും സമരസമതി ആവശ്യപ്പെട്ടു.