ഇനി പുതിയൊരു ബസ് സ്റ്റേഷൻ കൂടി. അൽ ഖുസൈസ് ഏരിയയിൽ സ്ഥിതി ചെയ്യുന്ന പുതിയ സ്റ്റേഡിയം ബസ് സ്റ്റേഷൻ നാളെ തുറക്കും.ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയാണ് ഇക്കാര്യം അറിയിച്ചത്.
യാത്രാ സമയം കുറയ്ക്കുക, മറ്റ് ബഹുജന ഗതാഗത ഓപ്ഷനുകളിലേക്ക് തടസ്സമില്ലാത്ത കണക്ഷനുകൾ നൽകുക തുടങ്ങിയ കാര്യങ്ങൾ ലക്ഷ്യം വച്ചുകൊണ്ടാണ് പുതിയ ബസ് സ്റ്റേഷൻ രൂപകൽപ്പന ചെയ്തിരിക്കുന്നത്. 9, F22, F23A, F23, F24, W20 ബസുകൾ പുതിയ ബസ് സ്റ്റേഷനിൽ നിന്ന് ആരംഭിക്കും. റൂട്ട് 23 ഉം ഇതുവഴി കടന്നുപോകുന്നുണ്ട്.