കേരളത്തിലെ വോട്ടെടുപ്പിന് ഇനി മൂന്ന് നാൾ മാത്രം ബാക്കി. പരസ്യ പ്രചരണത്തിന്റെ ആവേശത്തിലാണ് മുന്നണികൾ. വോട്ടെടുപ്പ് ദിനത്തിലേക്കുള്ള ആവേശത്തിലാണ് പ്രവാസികളും. വോട്ടെടുപ്പ് ദിവസത്തിനായി ഇതിനകം തന്നെ പലരും നാട്ടിലേക്ക് പോയി കഴിഞ്ഞു.
യുഎഇയിൽനിന്നു യുഡിഎഫ് പ്രവർത്തകർ ഏർപ്പാടാക്കിയ മൂന്നാമത്തെ വോട്ട് വിമാനം വ്യാഴാഴ്ച പുറപ്പെടും. പ്രവാസലോകത്തെ തെരഞ്ഞെടുപ്പ് ആവേശത്തിൽ മുന്നിൽ നിൽക്കുന്നത് വടകരയാണ്. യുഎഇയിലെ വടകര മണ്ഡലം കോർഡിനേഷൻ കമ്മിറ്റിയും, ദുബായ് കോഴിക്കോട് ജില്ലാ കെഎംസിസിയുടെയും നേതൃത്വത്തിൽ ഏർപ്പെടുത്തിയ രണ്ടാമത്തെ വിമാനത്തിൽ പോകുന്നവർക്ക് ഷാർജയിൽ വെച്ച് യാത്രയയപ്പ് നൽകി.
മൂന്നാമത്തെ വിമാനം 25ന് നാട്ടിലേക്ക് പുറപ്പെടും. ഓൺലൈൻ പ്രചാരണ പ്രവർത്തനങ്ങളും സജീവമാണ്. . ഓൺലൈൻ പ്രചാരണങ്ങൾക്ക് എല്ലാ മുന്നണികൾക്കും വലിയ പിന്തുണ നൽകുന്നത് പ്രവാസികളാണ്.
