റ​മ​ദാ​ൻ ആ​ദ്യ​പ​ത്ത്‌ കഴിഞ്ഞു, കുവൈറ്റിൽ ഇനി കുട്ടികളുടെ ‘ഗി​ർ​ഗി​യാ​ൻ

പുണ്യ റമദാൻ മാസത്തിലെ ആ​ദ്യ​ പത്ത് ദിവസങ്ങൾ പി​ന്നി​ട്ട​തോ​ടെ ‘ഗി​ർ​ഗി​യാ​ൻ’ ആ​ഘോ​ഷ​ത്തെ വ​ര​വേ​ൽ​ക്കുന്നതിന് വേണ്ടിയുള്ള തയ്യാറെടുപ്പിലാണ് കു​വൈ​റ്റിലെ കു​രു​ന്നു​ക​ൾ. റ​മ​ദാ​ൻ13 മു​ത​ലു​ള്ള മൂ​ന്നു രാ​വു​ക​ൾ കു​ട്ടി​ക​ളു​ടെ ആ​ഘോ​ഷ​മാ​യി ‘ഗി​ർ​ഗി​യാ​ൻ’ എ​ന്ന പേ​രി​ൽ കൊ​ണ്ടാ​ടു​ന്ന​ത് കു​വൈ​റ്റി​ലെ പാ​ര​മ്പ​ര്യ​മാ​ണ്. ചി​ല​യി​ട​ത്ത് ഈ ​ആ​ഘോ​ഷ​ത്തി​നെ ‘ഗ​ര​ങ്കാ​വോ’ എ​ന്നും വിളിക്കാറുണ്ട്. ഈ ​ദി​വ​സ​ങ്ങ​ളി​ൽ മു​തി​ർ​ന്ന​വ​ർ കു​ട്ടി​ക​ൾ​ക്ക് മി​ഠാ​യി​ക​ളും സ​മ്മാ​ന​പ്പൊ​തി​ക​ളും കൈ​മാ​റുകയാണ് ചെയ്യാറുള്ളത്. അ​ല​ങ്കാ​ര​ങ്ങ​ളും പ്രത്യേക വസ്ത്രങ്ങളും അണിഞ്ഞ് കു​ട്ടി​ക​ളു​ടെ ‘ഗി​ർ​ഗി​യാ​ൻ’ സം​ഘ​ങ്ങ​ൾ വീ​ടു​ക​ൾ തോറും ക​യ​റി മ​ധു​ര​വും സ​മ്മാ​ന​ങ്ങ​ളും കൈ​മാ​റു​ന്ന​താ​ണ് ആ​ഘോ​ഷ​ത്തി​ന്റെ പ്രധാന ആ​ക​ർ​ഷ​ണം. പാ​ർ​ക്കു​ക​ളും ഷോ​പ്പി​ങ് മാ​ളു​ക​ളും കേ​ന്ദ്രീ​ക​രി​ച്ചാ​ണ് ഇ​പ്പോ​ഴ​ത്തെ ആ​ഘോ​ഷ​ങ്ങ​ൾ നടക്കാറുള്ളത്. കൂടാതെ കോ​ഓ​പ​റേ​റ്റി​വ് സൊ​സൈ​റ്റി​ക​ൾ, വാ​ണി​ജ്യ സ്ഥാ​പ​ന​ങ്ങ​ൾ എ​ന്നി​വ കേ​ന്ദ്രീ​ക​രി​ച്ചും​ ഗി​ർ​ഗി​യാ​ൻ പ​രി​പാ​ടി​ക​ൾ അ​ര​ങ്ങേ​റും.

പാ​ട്ടു​പാ​ടി​യും സ​മ്മാ​ന​ങ്ങ​ൾ നേ​ടി​യും കു​ട്ടി​ക​ൾ രാ​വി​നെ പ​ക​ലാ​ക്കു​മ്പോ​ൾ തി​ര​ക്കു​ക​ൾ മാ​റ്റി വെ​ച്ച് മു​തി​ർ​ന്ന​വ​രും ഈ ​ദി​ന​ങ്ങ​ളിൽ കു​ട്ടി​ക​ൾ​ക്കൊപ്പം കൂടും. വ്യാ​പാ​ര സ്ഥാ​പ​ന​ങ്ങ​ളി​ൽ ഗി​ർ​ഗി​യാ​ൻ ഓ​ഫ​റു​ക​ളും പ​തിവ് കാഴ്ചയാണ്. മാത്രമല്ല, കു​രു​ന്നു​ക​ളു​ടെ ആ​ഘോ​ഷ​ങ്ങ​ൾ​ക്ക്‌ പൊ​ലി​മ​യേ​കാ​ൻ ജം​ഇ​യ്യ​ക​ളും മ​റ്റും പ്ര​ത്യേ​ക മ​ത്സ​ര​ങ്ങ​ളും ക​ലാ​പ​രി​പാ​ടി​ക​ളും ഒ​രു​ക്കും​. ഗി​ർ​ഗി​യാ​ൻ ആ​ഘോ​ഷ​ത്തി​ന്റെ ഭാ​ഗ​മാ​യി വി​വി​ധ ഇ​നം മി​ഠാ​യി​ക​ളും സ​മ്മാ​ന​പ്പൊ​തി​ക​ളും വി​പ​ണി​യി​ലു​ണ്ടാവും. റ​മ​ദാ​ൻ ര​ണ്ടാ​മ​ത്തെ പ​ത്തി​ലേ​ക്ക് ക​ട​ന്ന​തോ​ടെ ഗി​ർ​ഗി​യാ​ൻ ശു​വൈ​ഖി​ലെ മി​ഠാ​യി​ത്തെ​രു​വി​ൽ മ​ധു​രം വാ​ങ്ങാ​നെ​ത്തു​ന്ന​വ​രു​ടെ തി​ര​ക്കാണ്. കു​ഞ്ഞു റാ​ന്ത​ൽ വി​ള​ക്കു​ക​ൾ, അ​ല​ങ്കാ​ര​ങ്ങ​ൾ എ​ന്നി​വ​യു​ടെ​യും വി​ൽ​പ​ന​യും വ​ർ​ധി​ച്ചിട്ടുണ്ട്. ഗി​ർ​ഗി​യാ​ൻ ബോ​ക്സു​ക​ൾ​ക്കും ന​ല്ല ഡി​മാ​ൻ​റു​ണ്ട്. പ്ര​ത്യേ​ക പെ​ട്ടി​ക​ളി​ൽ അ​ല​ങ്കാ​ര​പ്പ​ണി ചെ​യ്താ​ണ് ഗി​ർ​ഗി​യാ​ൻ ബോ​ക്സു​ക​ളാ​ക്കു​ന്ന​ത്. മി​ഠാ​യി​ക്കൂ​ടു​ക​ൾ​ക്കും വി​പ​ണി​യി​ൽ ആ​വ​ശ്യ​ക്കാ​രേ​റെ​യാ​ണ്.

അതേസമയം, ഗി​ർ​ഗി​യാ​ൻ ആ​ഘോ​ഷ വേ​ള​യി​ൽ കു​ട്ടി​ക​ളു​ടെ സു​ര​ക്ഷ ഉ​റ​പ്പാ​ക്കാ​ൻ ആ​ഭ്യ​ന്ത​ര മ​ന്ത്രാ​ല​യം നി​ർ​ദേ​ശ​ങ്ങ​ൾ ന​ൽ​കിയിട്ടുണ്ട്. ആ​ഘോ​ഷ​വേ​ള​യി​ൽ കു​ട്ടി​ക​ളെ സൂ​ക്ഷ്മ​മാ​യി നി​രീ​ക്ഷി​ക്കേണ്ടത് അത്യാവശ്യമാണ്. റെ​സി​ഡ​ൻ​ഷ്യ​ൽ ഏ​രി​യ​ക​ളി​ലും സ്ക്വ​യ​റു​ക​ളി​ലും പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​ത് ഒ​ഴി​വാ​ക്കാ​നും ആ​ഭ്യ​ന്ത​ര മ​ന്ത്രാ​ല​യം അ​ഭ്യ​ർ​ഥി​ച്ചിട്ടുണ്ട്. ഗ​താ​ഗ​ത ത​ട​സ്സം, കു​ട്ടി​ക​ൾ​ക്കു​ണ്ടാ​കു​ന്ന അ​പ​ക​ട​സാ​ധ്യ​ത എ​ന്നി​വ ക​ണ​ക്കി​ലെ​ടു​ത്താ​ണിത്. റെ​സി​ഡ​ൻ​ഷ്യ​ൽ ഏ​രി​യ​ക​ളി​ലും സ്ക്വ​യ​റു​ക​ളി​ലും വാ​ഹ​ന​ങ്ങ​ൾ, വി​നോ​ദ വാ​നു​ക​ൾ, ബാ​ൻ​ഡു​ക​ൾ, ഭ​ക്ഷ​ണ ട്ര​ക്കു​ക​ൾ എ​ന്നി​വ ഉ​പ​യോ​ഗി​ക്ക​രു​തെ​ന്നും മ​ന്ത്രാ​ല​യം മുന്നറിയിപ്പ് നൽകി. കൂടാതെ ഉ​ൾ​ഭാ​ഗ​ങ്ങ​ളി​ലെ റോ​ഡു​ക​ളി​ൽ വാ​ഹ​ന​മോ​ടി​ക്കു​ന്ന​വ​രോ​ട് ജാ​ഗ്ര​ത പാ​ലി​ക്കാ​നും വേ​ഗം കു​റ​ക്കാ​നും മ​ന്ത്രാ​ല​യം ആ​ഹ്വാ​നം ചെ​യ്തിട്ടുണ്ട്. റോ​ഡ് ഉ​പ​യോ​ക്താ​ക്ക​ളു​ടെ​യും പൊ​തു​ജ​ന​ങ്ങ​ളു​ടെ​യും സു​ര​ക്ഷ ഉ​റ​പ്പാ​ക്കാ​നും മന്ത്രാലയം പ്രത്യേകം ഓർമപ്പെടുത്തി.