ജനുവരി മാസത്തെ പ്രൊപെയ്ൻ, ബ്യൂട്ടെയ്ൻ ദ്രവീകൃത വാതകങ്ങളുടെ പുതിയ വില കുവൈറ്റ് പെട്രോളിയം കോർപറേഷൻ (കെ.പി.സി) പ്രഖ്യാപിച്ചു. ഒരു മെട്രിക് ടൺ പ്രൊപെയ്ന് 620 ഡോളറാണ് വില. ബ്യൂട്ടെയ്ന് 630 ഡോളറും ഈടാക്കിയാകും വിൽപനയെന്ന് കെ.പി.സി പ്രസ്താവനയിൽ അറിയിച്ചു.
പെട്രോകെമിക്കൽ വ്യവസായങ്ങളിലും ഗാർഹിക ആവശ്യങ്ങൾക്കും പ്രൊപെയ്നും ബ്യൂട്ടെയ്നും ഉപയോഗിക്കുന്നുണ്ട്. അന്താരാഷ്ട്ര വിപണിയിലെ അസംസ്കൃത എണ്ണവിലയിലെ മാറ്റവും വിതരണവും ആവശ്യകതയുമാണ് ദ്രവീകൃത വാതകങ്ങളുടെ വിലയിലെ മാറ്റത്തിനുള്ള മൂല കാരണം.