തുടർച്ചയായി പെർമിറ്റ് ലംഘിച്ച് സർവീസ് നടത്തിയെന്നാരോപിച്ച് മോട്ടർ വാഹന വകുപ്പ് റോബിൻ ബസ് പിടിച്ചെടുത്തു. ഇന്ന് പുലർച്ചെ രണ്ട് മണിക്ക് കോയമ്പത്തൂരിൽ നിന്നും പത്തനംതിട്ടയിലേക്ക് എത്തിയപ്പോഴാണ് ബസിനെതിരെ എം.വി.ഡി നടപടി സ്വീകരിച്ചത്. ബസ് പത്തനംതിട്ട പൊലീസ് ക്യാമ്പിലേക്ക് മാറ്റി.
വന് പോലീസ് സന്നാഹത്തോടെ എത്തിയാണ് ഉദ്യോഗസ്ഥര് ബസ് പിടിച്ചെടുത്തത്. തുടര്ച്ചയായി നിയമലംഘനം ആവര്ത്തിച്ചാല് വാഹനം പിടിച്ചെടുക്കാന് വ്യവസ്ഥയുണ്ടെന്ന് അറിയിച്ച എം.വി.ഡി പെർമിറ്റ് ലംഘിച്ചതിന് ബസിനെതിരെ കേസെടുത്തിട്ടുണ്ട്. കൂടാതെ ഡ്രൈവർമാരുടെ ലൈസൻസ് റദ്ദാക്കുന്നതിനുള്ള നടപടികളും ആരംഭിച്ചു. വ്യാഴാഴ്ച പുലർച്ചെ ഏരുമേലിക്ക് സമീപം വെച്ചും ബസിന് 7,500 രൂപ പിഴ ചുമത്തിയിരുന്നു.
സുപ്രീംകോടതി വിധി അനുകൂലമെന്ന ഉടമയുടെ വാദം തെറ്റാണെന്നാണ് മോട്ടർ വാഹന വകുപ്പ് ഉദ്യോഗസ്ഥർ വ്യക്തമാക്കുന്നത്. മുൻകൂട്ടി ബുക്ക് ചെയ്തിട്ടുള്ള യാത്രക്കാരുമായി ട്രിപ്പ് നടത്താനുള്ള അനുമതി മാത്രമാണ് ഹൈക്കോടതി വിധിയിലൂടെ റോബൻ ബസിന് ലഭിച്ചിട്ടുള്ളത്. എന്നാൽ ഏത് പോയിൻ്റിൽ നിന്നും ആളുകളെ കയറ്റുന്നതിലൂടെ നിയമലംഘനം ആവർത്തിക്കുന്നുവെന്നതാണ് ബസ് പിടിച്ചെടുക്കാൻ കാരണമെന്നാണ് ഉദ്യോഗസ്ഥർ പറയുന്നത്.