നടനും സംവിധായകനുമായ എം.എ നിഷാദിന്റെ ‘മേജറുടെ മീനുകൾ’ എന്ന പുസ്തകം പ്രകാശനം ചെയ്തു. ഷാർജ അന്താരാഷ്ട്ര പുസ്തക മേളയിൽ കെ.ടി ജലീൽ എംഎൽഎയാണ് പുസ്തക പ്രകാശനം നിർവ്വഹിച്ചത്.
ഒരു വല്ലാത്ത സ്ഥാപനം, യൂദാസ് ഇവിടെയുണ്ട് തുടങ്ങി 8 കഥകളുടെ സമാഹാരമാണ് മേജറുടെ മീനുകൾ എന്ന പുസ്തകത്തിൽ ഉൾപ്പെടുത്തിയിരിക്കുന്നത്. എം.എ നിഷാദിന്റെ കലാജീവിതത്തിലെ വലിയൊരു നാഴികക്കല്ലായി മേജറുടെ മീനുകൾ മാറട്ടെയെന്ന് ആശംസിച്ച കെ.ടി ജലീൽ എംഎൽഎ പുസ്തകത്തേക്കുറിച്ച് കാണികൾക്ക് വിശദീകരിച്ച് നൽകുകയും ചെയ്തു.
മാക്ബെത് പബ്ലിക്കേഷൻസ് പ്രസിദ്ധീകരിച്ച മേജറുടെ മീനുകൾ എന്ന പുസ്തകം എല്ലാ തലങ്ങളിലുമുള്ള കഥാപാത്രങ്ങളെയും ഉൾക്കൊള്ളുന്നതാണ്. ചെറിയ കഥകളിലൂടെ വായനക്കാരുടെ മനസിൽ ഇടം നേടാൻ സാധിക്കുന്ന വിധത്തിലാണ് പുസ്തകം തയ്യാറാക്കിയിരിക്കുന്നത്. പ്രവാസി വ്യവസായി ആർ ഹരികുമാർ മുഖ്യാഥിതിയായ ചടങ്ങിൽ എഴുത്തുകാരി ഷീലാ പോളും സംബന്ധിച്ചു.
