കുടുംബ വിസയിൽ നിന്ന് തൊഴിൽ വിസയിലേക്ക് മാറാം, ഇ-​സേ​വ​ന​ത്തി​ന് ​തു​ട​ക്കം കു​റി​ച്ച് ഖ​ത്ത​ർ തൊ​ഴി​ൽ മ​ന്ത്രാ​ല​യം

കു​ടും​ബ വി​സ​യി​ലു​ള്ള​വ​ർ​ക്ക് തൊ​ഴി​ൽ വി​സ​യി​ലേ​ക്ക് മാ​റുന്നതിന് വേണ്ടിയുള്ള ഇ-​സേ​വ​ന​ത്തി​ന് ​തു​ട​ക്കം കു​റി​ച്ച് ഖ​ത്ത​ർ തൊ​ഴി​ൽ മ​ന്ത്രാ​ല​യം. സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ​യാ​ണ് ഇ-​സേ​വ​ന പ​ട്ടി​ക​യി​ൽ പു​തി​യ സൗ​ക​ര്യം ഒ​രു​ക്കി​യ കാ​ര്യം അ​ധി​കൃ​ത​ർ അ​റി​യി​ച്ച​ത്. ഇത് പ്ര​കാ​രം തൊ​ഴി​ൽ ഉ​ട​മ​ക​ൾ​ക്ക് വി​സ ന​ട​പ​ടി​ക​ൾ ല​ളി​ത​മാ​ക്കാ​നും താ​മ​സ​ക്കാ​രാ​യ​വ​ർ​ക്ക് ത​ന്നെ തൊ​ഴി​ൽ ന​ൽ​കാ​നും വേ​ഗ​ത്തി​ൽ ക​ഴി​യു​മെ​ന്ന് അധികൃതർ അ​റി​യി​ച്ചു. രാ​ജ്യ​ത്തെ സ്വ​കാ​ര്യ സം​രം​ഭ​ങ്ങ​ൾ​ക്ക് ഏ​റെ സൗ​ക​ര്യ​പ്പെ​ടു​ന്ന​താ​ണ് പു​തി​യ നി​ർ​ദേ​ശം.

അതേസമയം താ​മ​സ​ക്കാ​ർ ആയ​വ​രു​ടെ ആ​ശ്രി​ത​രാ​യി കു​ടും​ബ വി​സ​യി​ൽ ഖ​ത്ത​റി​ലെ​ത്തി​യ​വ​ർ​ക്ക് തൊ​ഴി​ൽ ല​ഭ്യ​മാ​ണെ​ങ്കി​ൽ കൂ​ടു​ത​ൽ നടപടികൾ ഇല്ലാതെ തന്നെ ഓ​ൺ​ലൈ​ൻ വ​ഴി തൊ​ഴി​ൽ വി​സ​യി​ലേ​ക്ക് മാ​റാ​ൻ സാധിക്കും. ഇ​തി​ന് ആ​വ​ശ്യ​മാ​യ ന​ട​പ​ടി​ക്ര​മ​ങ്ങ​ളും രേ​ഖ​ക​ളും സം​ബ​ന്ധി​ച്ച് മ​ന്ത്രാ​ല​യം ‘എ​ക്സ്’ പ്ലാ​റ്റ്ഫോ​മി​ലൂ​ടെ അറിയിച്ചിട്ടുണ്ട്. ​തൊ​ഴി​ലു​ട​മ​യു​ടെ സ്മാ​ർ​ട്ട് കാ​ർ​ഡ്, ​എ​സ്റ്റാ​ബ്ലി​ഷ്​​​മെ​ന്റ് കാ​ർ​ഡ്, തൊ​ഴി​ലാ​ളി​യു​ടെ ക്യൂ.​ഐ.​ഡി​യു​മാ​യി ബ​ന്ധി​പ്പി​ച്ച ഫോ​ൺ ന​മ്പ​ർ തു​ട​ങ്ങി​യ​വ ഉ​ൾ​പ്പെ​ടെ​യാ​ണ് അ​പേ​ക്ഷ ന​ൽ​കേ​ണ്ട​ത്.

തൊ​ഴി​ൽ മ​ന്ത്രാ​ല​യത്തിന്റെ നേ​തൃ​ത്വ​ത്തി​ൽ ക​ഴി​ഞ്ഞ ദി​വ​സം ന​ട​ന്ന സെ​മി​നാ​റി​ലാ​ണ് പു​തി​യ ഇ-​സേ​വ​ന​ങ്ങ​ളെ കുറിച്ച് അ​വ​ത​രി​പ്പി​ച്ച​ത്. സം​രം​ഭ​ക​ർ​ക്കും, ബി​സി​ന​സ് ഉ​ട​മ​ക​ൾ​ക്കും മ​ന്ത്രാ​ല​യ​ത്തി​നു കീ​ഴി​ലെ വി​വി​ധ സേ​വ​ന​ങ്ങ​ൾ പ​രി​ച​യ​പ്പെ​ടു​ത്തു​ന്ന​തി​ന്റെ ഭാ​ഗ​മാ​യാ​ണ് സെ​മി​നാ​ർ ന​ട​ത്തി​യ​തെ​ന്ന് തൊ​ഴി​ൽ വി​ഭാ​ഗം വ​ർ​ക് പെ​ർ​മി​റ്റ് സെ​ക്ഷ​ൻ മേ​ധാ​വി സാ​ലിം ദാ​ർ​വി​ഷ് അ​ൽ മു​ഹ​ന്ന​ദി അ​റി​യി​ച്ചു.