ആഗോളതലത്തിലെ മികച്ച 250 സർവകലാശാലകളിൽ ഇടംപിടിച്ച് അബുദാബി യൂണിവേഴ്സിറ്റി. യുഎഇയിൽ ഒന്നാം സ്ഥാനമാണ് അബുദാബി യൂണിവേഴ്സിറ്റിയ്ക്ക്. ടൈംസ് ഹയർ എജ്യുക്കേഷൻ സൂചികയിലാണ് അബുദാബി സർവകലാശാല മികച്ച മുന്നേറ്റം കൈവരിച്ചത്.
അതേസമയം കഴിഞ്ഞ വർഷം ആദ്യ 350ൽ ആയിരുന്നു അബുദാബി സർവകലാശാല ഇടംപിടിച്ചിരുന്നത്. ഇത്തവണ 201–250 പട്ടികയിലേക്ക് ഉയർന്നു. യുഎഇ ആസ്ഥാനമായുള്ള ഒരു സർവകലാശാല നേടുന്ന ഏറ്റവും ഉയർന്ന പദവിയാണ് ഇത്.
