സ്വവർഗ പ്രണയം പ്രമേയമാകുന്ന സംഗീത വിഡിയോ യൂട്യൂബിൽ വൈറലാവുന്നു. ‘അമോർ’ എന്ന് പേരിട്ടിരിക്കുന്ന ഈ മ്യൂസിക് വിഡിയോയിൽ പുരുഷ സ്വവർഗ കമിതാക്കളുടെ പ്രണയമാണ് ഇതിവൃത്തം. ഗോൾഡിയൻ ഫിഞ്ചസ് പ്രൊഡക്ഷൻസിൻ്റെ യൂട്യൂബ് ചാനലിലൂടെ പുറത്തുവന്ന പാട്ടിന് സമൂഹമാധ്യമങ്ങളിൽ വലിയ പ്രതികരണമാണുള്ളത് .
ജിജോ കുര്യാക്കോസ് ആണ് ഈ സംഗീത വിഡിയോ സംവിധാനം ചെയ്തിരിക്കുന്നത്. ടിസ്സി മരിയം വരികളെഴുത്തുകയും സംഗീതം നൽകുകയും ചെയ്തു. ഡുട്ടു സ്റ്റാൻലിയാണ് ഗാനം ആലപിച്ചിരിക്കുന്നത്. തായ് പ്രസാദ് ക്യാമറയും സരുൺ സുരേന്ദ്രൻ എഡിറ്റിംഗും നിർവഹിച്ചിരിക്കുന്നു. ചിത്രത്തിൽ യൂനസ് മറിയമും രതീഷ് സുന്ദറുമാണ് അഭിനയിച്ചിരിക്കുന്നത്.
