കേരളത്തിലെ എല്ലാ വീടുകളിലും സർക്കാർ ഓഫീസുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാക്കുന്ന കെ ഫോൺ പദ്ധതിയുടെ പ്രതിമാന നിരക്കുകൾ പുറത്തുവിട്ടു. സർക്കാർ ഉടമസ്ഥതയിലുള്ള ആദ്യ ബ്രോഡ്ബാന്റ് കണക്ഷൻ ഇന്ന് മുഖ്യമന്ത്രി പിണറായി വിജയനാണ് ഉദ്ഘാടനം ചെയ്തത്. സാമ്പത്തികമായി പിന്നോക്കം നിൽക്കുന്ന കുടുംബങ്ങൾക്ക് സൗജന്യമായും മറ്റുള്ളവർക്ക് പ്രതിമാസ നിരക്കിലുമാണ് ഇന്റർനെറ്റ് സേവനം ലഭ്യമാക്കുക.
6 മാസ കാലയളവിലുള്ള 9 പ്ലാനുകളുടെ താരിഫ് വിവരങ്ങളാണ് കെ ഫോൺ ഇപ്പോൾ പുറത്തുവിട്ടത്. 20 എംബിപിഎസ് വേഗത്തിൽ 3,000 ജിബി ഡേറ്റ 6 മാസത്തേക്ക് ലഭിക്കുന്ന പ്ലാനിനാണ് നിരക്ക് ഏറ്റവും കുറവ്. പ്രതിമാസം 299 രൂപ നിരക്കിൽ 6 മാസത്തേക്ക് 1,794 രൂപയാണ് ഈടാക്കുക. 30 എംബിപിഎസ് വേഗത്തിൽ 3,000 ജിബി ഡേറ്റ 6 മാസത്തേക്കു ലഭിക്കുന്ന പ്ലാനിന് ഒരു മാസത്തേക്ക് 349 രൂപ നിരക്കിൽ 2,094 രൂപയാണ് നിരക്ക്. 17,412 സർക്കാർ ഓഫീസുകളിലും 9,000 വീടുകളിലും കെ ഫോൺ കണക്ഷൻ നല്കിയെന്ന് സർക്കാർ അറിയിച്ചു.
കെ ഫോണിലെ മറ്റു പ്ലാനുകൾ സംബന്ധിച്ച വിവരങ്ങൾ അറിയാം. 40 എംബിപിഎസ് വേഗത്തിൽ 4,000 ജിബി ഡേറ്റ 6 മാസം – ഒരു മാസത്തേക്ക് 399 രൂപ നിരക്കിൽ 2394 രൂപ, 50 എംബിപിഎസ് വേഗത്തിൽ 5,000 ജിബി ഡേറ്റ 6 മാസം – ഒരു മാസത്തേക്ക് 449 രൂപ നിരക്കിൽ 2694 രൂപ, 75 എംബിപിഎസ് വേഗത്തിൽ 4,000 ജിബി ഡേറ്റ 6 മാസം – ഒരു മാസത്തേക്ക് 499 രൂപ നിരക്കിൽ 2994 രൂപ, 100 എംബിപിഎസ് വേഗത്തിൽ 5,000 ജിബി ഡേറ്റ 6 മാസ- ഒരു മാസത്തേക്ക് 599 രൂപ നിരക്കിൽ 3594 രൂപ, 150 എംബിപിഎസ് വേഗത്തിൽ 5,000 ജിബി ഡേറ്റ 6 മാസം- ഒരു മാസത്തേക്ക് 799 രൂപ നിരക്കിൽ 4794 രൂപ, 200 എംബിപിഎസ് വേഗത്തിൽ 5,000 ജിബി ഡേറ്റ 6 മാസം- ഒരു മാസത്തേക്ക് 999 രൂപ നിരക്കിൽ 5994 രൂപ, 250 എംബിപിഎസ് വേഗത്തിൽ 5,000 ജിബി ഡേറ്റ 6 മാസം- ഒരു മാസത്തേക്ക് 1249 രൂപ നിരക്കിൽ 7494 രൂപ എന്നിങ്ങനെയാണ് നിരക്കുകൾ.
