പത്തനംതിട്ട റാന്നിയിൽ സ്കൂൾ ബസ് നിയന്ത്രണം വിട്ട് മറിഞ്ഞു. ചെറുകുളഞ്ഞി ബഥനി ആശ്രമം സ്കൂൾ ബസാണ് അപകടത്തിൽപെട്ടത്. അപകടത്തിൽ 8 കുട്ടികൾക്ക് സാരമായി പരിക്കേറ്റു.
ഇന്ന് രാവിലെ കുട്ടികളുമായി സ്കൂളിലേക്ക് പോകുന്ന വഴിയിലായിരുന്നു അപകടം സംഭവിച്ചത്. പത്തനംതിട്ട ചോവൂർമുക്കിൽ വെച്ച് നിയന്ത്രണം വിട്ട ബസ് മറിയുകയായിരുന്നു. അപകടം നടക്കുന്ന സമയത്ത് എട്ട് കുട്ടികളായിരുന്നു ബസിലുണ്ടായിരുന്നത്. ആരുടെയും പരിക്കുകൾ ഗുരുതരമല്ല. ബസിലുണ്ടായിരുന്ന ആയയ്ക്കും പരുക്കേറ്റതായാണ് വിവരം. സംഭവസമയത്ത് സ്ഥലത്തുണ്ടായിരുന്ന നാട്ടുകാരാണ് ഉടൻ രക്ഷാപ്രവർത്തനം നടത്തിയത്.
