കള്ളപ്പണം വെളുപ്പിക്കൽ, നികുതി വെട്ടിപ്പ് എന്നീ കുറ്റങ്ങൾക്ക് ഇന്ത്യൻ പൗരത്വമുള്ള 13 പ്രതികളും അവരുടെ ഉടമസ്ഥതയിലുള്ള ഏഴ് കമ്പനികളും ശിക്ഷിക്കപ്പെട്ടതായി അബുദാബി അധികൃതർ അറിയിച്ചു.
അബുദാബി ക്രിമിനൽ കോടതിയുടെ ഒരു വിധി പ്രകാരം അവർ സാമ്പത്തിക പ്രവർത്തനങ്ങൾ നടത്തിയതായി കണ്ടെത്തി. നാല് പ്രതികൾക്ക് 5 മുതൽ 10 വർഷം വരെ തടവും തുടർന്ന് നാടുകടത്തലും വിധിച്ചു. 5 മില്യൺ ദിർഹം മുതൽ 10 മില്യൺ ദിർഹം വരെ പിഴ അടക്കാനും ഉത്തരവായി. കുറ്റകൃത്യത്തിൽ ഉൾപ്പെട്ട കമ്പനികൾക്ക് 10 ദശലക്ഷം ദിർഹം വീതം പിഴ ചുമത്തി.
സംഘം ഒരു “ക്രിമിനൽ ഓർഗനൈസേഷൻ” രൂപീകരിക്കുകയും ഒരു ട്രാവൽ ഏജൻസിയുടെ ആസ്ഥാനം ഉപയോഗിച്ച് ലൈസൻസില്ലാത്ത സാമ്പത്തിക പ്രവർത്തനങ്ങൾ നടത്തുകയും അതിലൂടെ അര ബില്യൺ ദിർഹമുകൾ സമ്പാദിക്കുകയും ചെയ്തതായി അന്വേഷണത്തിൽ കണ്ടെത്തി.
