ആലുവയിൽ ബലാൽസംഗത്തിനിരയായി കൊല്ലപ്പെട്ട അഞ്ചു വയസുകാരിയുടെ ചിത്രം പ്രചരിപ്പിച്ചതിൽ വിമർശനവുമായി എറണാകുളം പോക്സോ കോടതി. പ്രതി അസഫാക് ആലത്തിനായുള്ള പൊലീസിന്റെ കസ്റ്റഡി അപേക്ഷ പരിഗണിക്കുമ്പോഴായിരുന്നു കോടതിയുടെ വിമർശനം.
ഇരയുടെ വിവരങ്ങൾ പരസ്യപ്പെടുത്തിയത് അംഗീകരിക്കാനാകില്ലെന്ന് വ്യക്തമാക്കിയ കോടതി സമൂഹമാധ്യമങ്ങളിലടക്കമുള്ള ചിത്രങ്ങൾ നീക്കം ചെയ്യാൻ നടപടി സ്വീകരിക്കണമെന്നും വ്യക്തമാക്കി.
ചിത്രം സാമൂഹിക മാധ്യമങ്ങളിൽ നിന്ന് ഉൾപ്പടെ എല്ലാ ഇടത്തുനിന്നും എത്രയും വേഗം നീക്കണമെന്ന് എറണാകുളം പോക്സോ കോടതി. ഇരയായവരുടെ ചിത്രങ്ങൾ നൽകരുത് എന്ന് പോക്സോ നിയമത്തിൽ പറയുന്നുണ്ട്. ഇത് പൊലീസിന് അറിയില്ലേ? ചിത്രം നീക്കാൻ പൊതുനിർദ്ദേശം നൽകണമെന്നും പൊലീസിനോട് പോക്സോ കോടതി ചോദിച്ചു.
