ഇന്ത്യൻ ടീമിനായി ട്വന്റി20 മത്സരത്തിൽ കളിക്കുന്ന ആദ്യ മലയാളി വനിതാ താരമെന്ന ചരിത്ര നേട്ടം സ്വന്തമാക്കിയതിന് പിന്നാലെ അരങ്ങേറ്റ മത്സരത്തിൽ മിന്നും ഫോമിൽ തിളങ്ങി മിന്നു മണി. ആദ്യ ഓവറിൽ തന്നെ വിക്കറ്റ് വീഴ്ത്തിയിരിക്കുകയാണ് മലയാളി താരമായ മിന്നു. ബംഗ്ലാദേശിനെതിരെ എറിഞ്ഞ ആദ്യ ഓവറിന്റെ നാലാമത്തെ പന്തിലാണ് വിക്കറ്റ് നേട്ടം. ബംഗ്ലാദേശിന്റെ ഷമീമ സുൽത്താനയെയാണ് മിന്നു പുറത്താക്കിയത്.
മിന്നുവിന് പുറമെ 3 പുതുമുഖങ്ങൾ കൂടി ടീമിലുണ്ട്. പരിചയ സമ്പന്നയായ ജഹനാര അലാമിനെ പുറത്തിരുത്തിയാണ് ബംഗ്ലദേശ് തി മന്ദനാ നയിക്കുന്ന ഇന്ത്യൻ ബാറ്റിംഗ് നിരയെ നേരിടാൻ ഇന്ത്യ ഇറങ്ങുന്നത്. ട്വന്റി 20 യിൽ ഇതുവരെ ഇന്ത്യ ബംഗ്ലദേശിനോട് തോറ്റിട്ടില്ല. മൂന്ന് മത്സരങ്ങളാണ് പരമ്പരയിൽ ഉള്ളത്.
ഇടംകൈ ബാറ്ററും വലംകൈ സ്പിന്നറുമായ മിന്നു മണി ആദ്യമായാണ് സീനിയർ ടീമിൽ ഇടംനേടുന്നത്. വയനാട്ടുകാരിയായ മിന്നു ടീമിലെ പ്രധാന ഓൾറൗണ്ടർമാരിൽ ഒരാൾകൂടിയാണ്. മാനന്തവാടി ചോയിമൂലയിലെ മണി-വസന്ത ദമ്പതികളുടെ മകളാണ് മിന്നു മണി.
