ഇംഗ്ലണ്ടിനെതിരായ വനിത ടി20 പരമ്പരയിലെ മൂന്നാം മത്സരത്തിൽ ഇന്ത്യയ്ക്ക് ആശ്വാസ ജയം. മുംബൈ വാങ്കഡെ സ്റ്റേഡിയത്തിൽ നടന്ന മത്സരത്തിൽ അഞ്ച് വിക്കറ്റിനായിരുന്നു ഇംഗ്ലണ്ടിനെ ഇന്ത്യ പരാജയപ്പെടുത്തിയത്. എങ്കിലും മൂന്ന് മത്സരങ്ങളടങ്ങിയ പരമ്പരയിലെ ആദ്യ രണ്ട് മത്സരങ്ങളും ജയിച്ച ഇംഗ്ലണ്ട് പരമ്പര സ്വന്തമാക്കിയിരുന്നു.
ടോസ് നേടി ബാറ്റിങ്ങിനിറങ്ങിയ ഇംഗ്ലണ്ട് 126 റൺസിന് ഓൾ ഔട്ടാകുകയായിരുന്നു. അർധ സെഞ്ച്വറി നേടിയ ക്യാപ്റ്റൻ ഹീതർ നൈറ്റാണ് (42 പന്തിൽ 52) ഇംഗ്ലണ്ടിന്റെ ടോപ് സ്കോറർ. ഇംഗ്ലണ്ട് ഉയർത്തിയ 127 റൺസ് വിജയലക്ഷ്യം ഒരു ഓവർ ബാക്കിനിൽക്കെ അഞ്ച് വിക്കറ്റ് നഷ്‌ടത്തിലാണ് ഇന്ത്യൻ വനിതകൾ മറികടന്നത്. സ്‌മൃതി മന്ദാന (48 പന്തിൽ 48), ജെമിമ റോഡ്രിഗസ് (33 പന്തിൽ 19) എന്നിവരുടെ ഇന്നിങ്സുകളാണ് ഇന്ത്യയെ വിജയത്തിലേയ്ക്ക് നയിച്ചത്.
ഇന്ത്യൻ ആരാധകരുടെ പ്രതീക്ഷയായിരുന്ന മലയാളി താരം മിന്നു മണിക്ക് ഈ പരമ്പരയിൽ അവസരം ലഭിച്ചില്ല. പര്യടനത്തിലെ ഏക ടെസ്റ്റ് മത്സരം 14-ന് നവി മുംബൈ ഡി.വൈ പാട്ടീൽ സ്റ്റേഡിയത്തിൽ ആരംഭിക്കും.
