അർജൻ്റീന-സൗദി ലോകകപ്പ് മത്സരത്തിനിടെ തൃശൂർ ചാലക്കുടിയിൽ വ്യത്യസ്തമായ ഒരു പേരിടൽ നടന്നു. ചാലക്കുടി കല്ലൂപ്പറമ്പിൻ ഷനീർ-ഫാത്തിമ ദമ്പതികളാണ് കുഞ്ഞിന് ഐദിൻ മെസിയെന്ന് പേരിട്ടത്. നഗരസഭയുടെ ഇൻഡോർ സ്റ്റേഡിയത്തിൽ വച്ചായിരുന്നു പേരിടൽ ചടങ്ങ്.
ലയണൽ മെസി ഗോളടിച്ച സമയം ഷനീർ-ഫാത്തിമ ദമ്പതികളുടെ മകന് പേര് വീണു. ജനിച്ച് 28 ദിവസമായ കുഞ്ഞിൻ്റെ ചെവിയിൽ മൂന്ന് വട്ടം പിതാവ് പേര് ചൊല്ലി. ഐദിൻ മെസി.
അർജൻ്റീനയോടുള്ള അടങ്ങാത്ത ആരാധനയാണ് തീരുമാനത്തിന് പിന്നിൽ. തിങ്ങിനിറഞ്ഞ ചാലക്കുടി ഇൻഡോർ സ്റ്റേഡിയത്തിൽ
വച്ചായിരുന്നു പേരിടൽ.
ചടങ്ങിന് ശേഷം അർജൻ്റീനിയൻ പതാകയുടെ നിറമുള്ള കേക്ക് മുറിച്ച് മധുരം പങ്കുവച്ചു. ചാലക്കുടി നഗരസഭ ചെയർമാൻ എബി ജോർജും ചടങ്ങിൽ പങ്കെടുത്തു. സൗദിയോടുള്ള മത്സരത്തിൽ നിരാശയെങ്കിലും ലോകകപ്പിൽ ടീം മെസിയിലൂടെ തിരിച്ചുവരുമെന്ന
പ്രതീക്ഷയിലാണ് കുഞ്ഞുമെസിയുക്കൊപ്പം മാതാപിതാക്കൾ മടങ്ങിയത്.
