ദുബായിലെ വാഹനങ്ങൾക്ക് ‘വി’ സീരിസിൽ നമ്പർ പ്ലേറ്റുകൾ നൽകിത്തുടങ്ങിയെന്ന് റോഡ് ഗതാഗത അതോറിറ്റി (ആർ.ടി.എ). ഇതിനുള്ള നടപടി ക്രമങ്ങൾ പൂർത്തിയായതോടെ ഇന്ന് മുതലാണ് വി സീരിസിൽ നമ്പർ പ്ലേറ്റുകൾ നൽകിത്തുടങ്ങിയത്. നാലും അഞ്ചും അക്കങ്ങളുള്ള നമ്പറുകളാണ് ആദ്യഘട്ടത്തിൽ ഇവയോടൊപ്പം നൽകുക.
ആർ.ടി.എയുടെ വെബ്സൈറ്റിലൂടെയും ദുബായ് ഡ്രൈവ് ആപ്പ് വഴിയും നേരിട്ട് നമ്പർ പ്ലേറ്റുകൾ വാങ്ങാനുള്ള സൗകര്യവും ഒരുക്കിയിട്ടുണ്ട്. അക്ഷരമാല ക്രമത്തിലാണ് ആർ.ടി.എ വാഹനങ്ങൾക്ക് നമ്പർ പ്ലേറ്റുകൾ നൽകിവരുന്നത്. ഫാൻസി നമ്പറുകളായ ചില ‘വി’ അക്ഷരത്തിലെ നമ്പർ പ്ലേറ്റുകൾ നേരത്തേ ഇവിടെ ലേലത്തിലൂടെ വിൽപന നടത്തിയിരുന്നു.
