ഹോട്ടൽ ഷോ ദുബായ് ഒരുക്കങ്ങൾ തകൃതിയായി നടക്കുന്നു. ഇനി ഏതാനും ദിവസങ്ങൾ മാത്രമാണ് ബാക്കി. പശ്ചിമേഷ്യൻ പ്രദേശങ്ങളിലെ പ്രധാനപ്പെട്ട ഹോസ്പിറ്റാലിറ്റി ട്രേഡ് ഷോയായ ‘ഹോട്ടൽ ഷോ ദുബായ് 2024 ജൂൺ 4-ന് ആരംഭിക്കാൻ പോവുകയാണ്. ജൂൺ 6 വരെ ഷോ നീണ്ട്‌ നിൽക്കും. ദുബായ് വേൾഡ് ട്രേഡ് സെന്ററിൽ വെച്ച് നടക്കുന്ന ഈ വാണിജ്യ പ്രദർശനം കാണാൻ ആയിരങ്ങളാണെത്തുക.
ഹോസ്പിറ്റാലിറ്റി മേഖലയിലെ ഏറ്റവും നൂതനമായ പ്രവണതകൾ, സാങ്കേതിക വിദ്യകൾ മുതലായവ ഈ പ്രദർശനത്തിന്റെ ഏറ്റവും വലിയ സവിശേഷതകളാണ്. 250-ൽ പരം പ്രദർശകർ ഈ വർഷത്തെ ഹോട്ടൽ ഷോ ദുബായിൽ പങ്കെടുക്കുമെന്നാണ് സൂചന. ഇതിന് പുറമെ 125 പ്രഭാഷകരും, ഈ മേഖലയിൽ നിന്നുള്ള ആയിരത്തിൽ പരം വിദഗ്ദരും, ലോകോത്തര ബ്രാൻഡുകളും ഈ പ്രദർശനത്തിന്റെ സീൻ മാറ്റും.
