ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) കരീമുമായി ചേർന്നു എമിറേറ്റിലുടനീളം സൗജന്യ ബൈക്ക് യാത്ര സംഘടിപ്പിക്കുന്നു. ദുബായ് നിവാസികൾക്ക് പരിധിയില്ലാത്ത യാത്രകൾക്കായി ഒരു ദിവസത്തേക്ക് സൗജന്യ ബൈക്ക് യാത്ര ആസ്വദിക്കാം. എല്ലാ വർഷവും ജൂൺ 5 ന് ആഘോഷിക്കുന്ന ലോക പരിസ്ഥിതി ദിനം പ്രമാണിച്ച് 2023 ജൂൺ 10 ശനിയാഴ്വരെ ഈ ഓഫർ ഉണ്ടാകും.
ഒരൊറ്റ യാത്ര 45 മിനിറ്റിൽ കവിയാൻ പാടില്ല. എമിറേറ്റിലെ 186 ഡോക്കിംഗ് സ്റ്റേഷനുകളിൽ പരിധിയില്ലാത്ത യാത്രകൾക്കായി ബൈക്ക് റൈഡുകൾ സൗജന്യമായി ലഭിക്കും.
Careem ആപ്പിലെ ഹോം സ്‌ക്രീനിലെ “ഗോ” വിഭാഗത്തിന് താഴെയുള്ള “ബൈക്ക്” തിരഞ്ഞെടുത്ത് ഉപഭോക്താക്കൾക്ക് സൗജന്യ റൈഡുകൾ നേടാനാകും. ഉപഭോക്താക്കൾക്ക് 24 മണിക്കൂർ ആക്‌സസ് നൽകുന്ന “ഫ്രീ” എന്ന കോഡ് ഉപയോഗിച്ച് “ഒരു ദിവസത്തെ” പാസ് തിരഞ്ഞെടുക്കാനും സൗജന്യ യാത്ര പ്രയോജനപ്പെടുത്താനും കഴിയും. പങ്കെടുക്കുന്നവർ അവരുടെ കാർഡ് വിശദാംശങ്ങൾ നൽകേണ്ടതുണ്ട്, എന്നാൽ നിരക്ക് ഈടാക്കില്ല.
