യുഎഇ ദേശീയ ദിനത്തിന്റെ ഭാഗമായി ദുബായിൽ രണ്ട് ദിവസത്തെ സൗജന്യ പാർക്കിംഗ് പ്രഖ്യാപിച്ചു. ദേശീയ ദിന അവധി ദിവസങ്ങളായ ഡിസംബർ 2,3 (തിങ്കൾ, ചൊവ്വ) ദിവസങ്ങളിലാണ് രണ്ട് ദിവസത്തെ സൗജന്യ പാർക്കിംഗ് ഏർപ്പെടുത്തിയിരിക്കുന്നത്.
ഈ കാലയളവിൽ എല്ലാ പൊതു പാർക്കിംഗുകളും (ബഹുനില പാർക്കിംഗ് ഒഴികെ) സൗജന്യമായിരിക്കുമെന്ന് ദുബായ് റോഡ്‌സ് ആന്റ് ട്രാൻസ്‌പോർട്ട് അതോറിറ്റി (ആർടിഎ) അധികൃതർ അറിയിച്ചു. അവധി ദിവസങ്ങൾക്ക് പുറമെ ഞായറാഴ്ചകളിൽ പാർക്കിംഗ് ഫീസ് ഈടാക്കാത്തതിനാൽ പൊതുജനങ്ങൾക്ക് മൂന്ന് ദിവസത്തെ സൗജന്യ പാർക്കിംഗാണ് ലഭിക്കുക.
